अन्तराष्ट्रिय/प्रवास

अमेरिका । अमेरिकाको मेरिल्याण्ड राज्य अन्तर्गत बाल्टिमोर एसोसिएसन अफ नेप्लिज इन अमेरिका (बाना) को बोर्ड अफ ट्रस्टीको अध्यक्षमा प्रभुराम थापा निर्वाचित हुनुभएको छ । प्रवासी नेपाली मञ्च अन्तराष्ट्रिय कमिटीका सचिवालय सदस्य तथा अमेरिका महादेश इञ्चार्जसमेत रहनुभएका थापा नेपालीको साझा संस्था बानाको नेतृत्वमा पुग्नुभएको हो । मेरिल्याण्ड राज्यमा बस्ने नेपालीहरुको छाता संगठन तथा अमेरिकामा रहेका बिभिन्न संघ–संस्थाहरु मध्ये शीर्ष स्थानको मानिने बानाको बोर्ड अफ ट्रष्टीको नेतृत्वका लागि मतदान भएको थियो । मतदानमा कुल ११६ मतदाता रहेकोमा ९७ मत ल्याएर थापा बिजयी हुनुभयो । थापासँग प्रतिस्पर्धा गर्नुभएका महेन्द्र देशारले १९ मत प्राप्त गर्नुभएको छ । बाल्टिमोरमा सामाजिक अभियन्ताका रुपमा परिचित थापा व्यवसायमा पनि अब्बल हुनुहुन्छ । सो संस्थाको उपाध्यक्षमा कलाकार तथा व्यवसायी अनुशुया श्रेष्ठ वन्त, सचिवमा सुर्...

अमेरिका । गैरआवासीय नेपाली संघ (एनआरएनए), बेलायतका पूर्वउपाध्यक्ष मोहन कार्की निधन भएको छ । ५२ वर्षीय कार्कीको सोमबार बिहान करिब पौने ७ बजे बेलायतको स्कटल्यान्ड राज्यमा पर्ने फलक्रिकस्थित आफ्नै निवासमा निधन भएको हो। उनको कलेजोमा क्यान्सरको समस्या देखिएको र अन्तिम समयमा मात्र पत्ता लागेकाले बचाउन नसकिएको परिवारलाई उद्धृत गर्दै एनआरएनए अन्तर्राष्ट्रिय समन्वय परिषद्का उपाध्यक्ष रामशरण सिम्खडाले बताए । कार्की एनआरएनए स्कटल्यान्ड राज्य समन्वय परिषदको संस्थापक अध्यक्ष पनि थिए । नेपालमा काठमाडौँको कालिमाटी घर भएका कार्कीका पत्नी र एक सात वर्षीया छोरी छन् ।...

नेपाल । लुम्बिनी बौद्ध विश्वविद्यालयले अमेरिकाको क्यालिफोर्नियामा अध्ययन केन्द्र स्थापना गर्ने घोषणा गरेको छ । बौद्ध अध्ययन सङ्कायअन्तर्गत स्नातकोत्तर तह र छोटो अवधिका शैक्षिक कार्यक्रम सञ्चालन गर्ने गरी क्यालिफोर्नियामा अध्ययन केन्द्र स्थापना गर्न लागेको हो । विश्वविद्यालयका उपकुलपति प्राडा सुवर्णलाल बज्राचार्यले लुम्बिनीमा आयोजित एक कार्यक्रमबीच क्यालिफोर्नियामा अध्ययन केन्द्र स्थापनाको घोषणा गर्नुभयो । क्यालिफोर्नियाबाट छोटो अवधिको बौद्ध अध्ययनका लागि आएका विद्यार्थीहरुलाई प्रमाणपत्र प्रदानका लागि आयोजित कार्यक्रममा उहाँले केही सातामै भर्ना प्रक्रिया सुरु गर्ने बताउनुभयो । विश्वविद्यालयले क्यालिफोर्नियामा बौद्ध अध्ययनका शैक्षिक कार्यक्रम सञ्चालनका लागि इन्लाइट इन्टरनेसनल जेन मेडिटेसन सेन्टरसँग सहकार्य सम्झौता गरेको छ । सोही सेन्टरबाट छोटो अवधिको शैक्षिक कार्यक्रमका लागि २५ जना विद्यार...

अमेरिका । दलित लाइभ्स म्याटर ग्लोबल अलायन्सका संस्थापक तथा अध्यक्ष प्रदीप परियार विश्व आर्थिक मञ्चको ग्लोबल फ्युचर काउन्सिल अन लिडरसिपको सदस्यमा नियुक्त भएका छन् । परियारको यो नियुक्तिले जात व्यवस्था, जातीय विभेद, बहिष्करण र सिमान्तीकरणविरुद्धको अभियानलाई अन्तर्राष्ट्रिय स्तरमा थप सशक्त बनाउन मद्दत पुग्ने विश्वास गरिएको छ । सन् २०२५ देखि २०२६ सम्म दुई वर्षे कार्यकालका लागि उनी काउन्सिल सदस्यका रूपमा सहभागी हुने छन् । विश्व आर्थिक मञ्चको नेटवर्क अफ ग्लोबल फ्युचर काउन्सिल्स ज्ञान उत्पादन गर्ने बहुसरोकारवाला तथा अन्तरविधागत सञ्जाल हो ।...

अमेरिका । गैरआवासीय नेपाली (एनआरएनए) सोसल क्लब ओमानको आठौं महाधिवेशन सम्पन्न भएको छ । मस्कटमा भएको महाधिवेशनले सुरेश खड्काको नेतृत्वमा नयाँ कार्यसमिति चयन गरेको छ । यसअघि विकल झा अध्यक्ष थिए । अधिवेशनले उपाध्यक्षमा क्रमशः रबिन शिल्पकार, लक्ष्मीप्रसाद कोइराला, गोपाल कुवर र सुबास काफ्ले चयन गरेको छ । महासचिवमा बिनोद श्रेष्ठ सहित क्रमशः ४ जना काशिराम सुनार, केशब थापा,डा. कमल अर्याल, बिनोद दास सचिव चयन भएका छन् । कोषाध्यक्षमा गितादेवी धिताल र सह कोषाध्यक्षमा महेन्द्र तिवारी, प्रवक्तामा राजेश महर्जन, महिला सम्योजकमा मिरा नेपाली, युवा संयोजकमा सुरज चित्रकार तथा आइसीसी सदस्य पछी चयन गर्ने गरी १३ जनाको कार्यसमिति सदस्य चयन गरिएको छ । सदस्यहरुमा डा. अनिल कुमार रजक, शुवास पाठक, डा. सहदेव बिडारि, डा. सङ्दु शेर्पा, श्याम भट्टराई र प्रीयंका काफ्ले खतिवडा रहनु भएको छ । त्यस्तै देवान खड्का, लक्ष्मण श्...

कोलोराडो । जय नेपाल इन्टरनेशनल फाउन्डेसनले विश्वभरका नेपाली महिलालाई एकत्रित गर्दै ग्लोबल महिला नेटवर्क गठन गरेको छ । फाउण्डेसनले विनिता अधिकारीको अध्यक्षतामा ग्लोबल महिला नेटवर्कको घोषणा गरेको छ । समितिको महासचिवमा प्रतिज्ञा अधिकारीलाई चयन गरिएको छ । विभिन्न पेशामा आवद्ध महिलाहरुको प्रतिनिधित्व हुनेगरी नेपाल सहित विभिन्न देशमा रहेका महिलाहरुलाई समेटेर समिति गठन गरिएको हो । शुक्रबार एक वेबिनार मार्फत उक्त समिति निर्माण गरिएको फाउण्डेसनका केन्द्रीय प्रवक्ता लाल प्रसाद काफ्लेले जानकारी दिए । नेपाली काँग्रेसका महिला नेतृहरुको सहभागितामा सम्मेलन सम्पन्न भएको हो । समितिका सदस्यहरुमा लक्ष्मि खरेल (अमेरिका), उर्मिला कंडेल जोशी (नेपाल), निर्मला खड्का (नेपाल),अर्पणा खड्का(नेपाल), निर्मला फुलारा ठाकुर (नेपाल), सिता अर्याल(साईप्रस), अनु थापा (इजरायल), अप्सना कंडेल (न्युजिल्याण्ड), भावना खनाल अर्याल...

अमेरिका । एशोशियसन अफ नेपाली ओरिजिन९एएनओ०ले अस्ट्रेलियामा शाखा विस्तार गरेको छ । भुटानीमूलका नेपालीभाषी डम्बर ढुङ्गेलको अध्यक्षतामा कार्यसमिति चयन गरिएको छ । कार्यसमितिको उपाध्यक्षमा दिनेश कठायत, महासचिवमा गगन विडारी, उप–महासचिवमा राजकुमार श्रेष्ठ, कोषाध्यक्षमा लिला भण्डारी रहनुभएको छ । साथै सदस्यहरुमा निकेश शर्मा, राम खतिवडा, युवराज शर्मा, हरि पोखरेल, खगेन्द्र आचार्य, आशिका राई, बिजय बस्नेत, सरिता ढकाल, भवानी ढकाल, पुष्प आचार्य, गोविन्द गौतम रहेको जनाइएको छ । नेपाल पुख्र्यौली भइ भुटान, बर्मा, भारतलगायत विभिन्न देशमा छरिएर रहेका नेपालीहरुलाई एशोशियसन अफ नेपाली (एएनओ) ले समेटेको एएनओ अन्तर्राष्ट्रियका महासचिव सिएम भट्टराईले बताउनुभयो । नेपाललाई पितृभूमि मान्ने नेपालीभाषीहरुको संस्था रहेकाले नेपाली कला संस्कृती जगेर्ना गर्ने उद्देश्यले संस्थालाई विश्वभर फैलाउने उद्देश्यले स्थापना गरिएको ह...

अमेरिका । भूतपूर्व गोर्खा क्याप्टेन भीम सारू मगर बेलायतको ननिटन एण्ड बेडवर्थ बरोको मेयर पदमा मनोनीत हुनुभएको छ । गत वर्ष मे मा सत्तारूढ लेबर पार्टीबाट काउन्सिलर निर्वाचित सारू ३८ जनाका उन्सिलरमध्येबाट मेयर पदमा मनोनीत हुनुभएको हो । लेबरका १९, कञ्जरभेटिभबाट १७ र ग्रीन पार्टीका दुई जनाका उन्सिलर रहेको उक्त बरोमा ग्रीन पार्टीले पनि सारूलाई समर्थन गरेपछि उहाँ मेयरमा मनोनीत हुनुभएको हो । यहाँ यसअघि उपमेयर चुनिनुभएको थियो । अब आउँदो मे १५ मा हुने औपचारिक समारोहमा उहाँले मेयर नियुक्त भई पदभार ग्रहण गर्नुहुनेछ । बेलायतको गोर्खा भर्तीको दुई सय वर्षभन्दा लामो इतिहासमा पूर्वगोर्खाकोतर्फबाट पहिलो मेयरका रूपमा ननिटनमा मनोनीत हुनु गर्वको कुरा भएको भन्दै उपमेयर सारूले भन्नुभयो, “औपचारिक रूपमा मेयरको शपथ मे मा हुन्छ । खुसीको क्षण हो बेलायतमा गार्खाहरूको योगदानलाई थप उचाइमा पु¥याउने अवसर मिलेको छ ।” काउन...

अमेरिका । अमेरिकी राष्ट्रपति डोनाल्ड ट्रम्पले नयाँ ‘गोल्ड कार्ड’ आवासीय अनुमति ५० लाख अमेरिकी डलरमा बिक्री गर्ने योजना सार्वजनिक गर्नुभएको छ । ट्रम्पले परम्परागत ग्रिनकार्डको उच्च मूल्यको संस्करण नयाँ भिसाको बिक्रीले रोजगारी सिर्जना गर्ने र अमेरिकी राष्ट्रिय घाटा कम गर्न प्रयोग गर्न सकिने बताउनुभएको छ । आफ्नो दोस्रो कार्यकालको पहिलो प्राथमिकता लाखौँ गैरकानुनी आप्रवासीलाई देश निकाला गरिएपछि राष्ट्रपति ट्रम्पले यस्तो योजना सार्वजनिक गर्नु भएको हो । –अन्तर्राष्ट्रिय सञ्चारमाध्यमहरु । ...

अमेरिका । अस्ट्रेलियन नेप्लिज जर्नालिस्ट एसोसिएसन (एञ्जा) को तेस्रो अधिवेशन सम्पन्न भएको छ । अस्ट्रेलियाको राजधानी क्यानबेरामा यही फेब्रुअरी २१ र २२ मा भएको अधिवेशनबाट अध्यक्षमा कृष्ण तिवारी निर्वाचित भएका छन् । ४३ मताधिकार सदस्य रहेको एञ्जाको निर्वाचनमा तिवारीले २५ मत प्राप्त गरे । उनका प्रतिस्पर्धी नारायण खड्काले १८ मत पाए । उपाध्यक्षमा माधवप्रसाद गैरे २२ मत ल्याउँदै निर्वाचित भए । यो पदमा प्रकाश हुमागाइँले १९ र सीताकुमारी विश्वकर्माले दुई मत प्राप्त गरे । महासचिवमा गणेश भट्ट, कोषाध्यक्षमा खगेन्द्र सत्याल, सचिवमा तक्दिर अधिकारी, पब्लिक अफिसरमा कोम खत्री, प्रवक्तामा मिलन दाहाल सर्वसम्मत चयन भए ।सदस्यमा सरल गुरुङ, विनायक अधिकारी, गोपाल छन्त्याल र केदार रायमाझी निर्वाचित भएका निर्वाचनमा समितिका संयोजक राजु अधिकारीले जानकारी दिए । सोही अवसरमा अस्ट्रेलियामा लामो समयदेखि पत्रकारिता गर्दै आए...