अन्तराष्ट्रिय/प्रवास

अमेरिका । अमेरिकी अर्बपति तथा न्युयोर्कका पूर्व मेयर माइक ब्लुमबर्गले आफ्नो परोपकारी संस्था ब्लुमबर्ग फिलान्थ्रोपीजमार्फत मिथेन ग्यासको उत्सर्जन घटाउने उद्देश्यले १० करोड अमेरिकी डलर लगानी गर्ने घोषणा गर्नु भएको छ । मिथेनलाई जलवायु परिवर्तनको ‘सुपर प्रदूषक’ हरितगृह ग्यास मध्ये एक मानिन्छ र पछिल्ला वर्षमा यो विषय अन्तर्राष्ट्रिय वार्ताको केन्द्रीय मुद्दा बन्दै गएको छ । संयुक्त राष्ट्रसङ्घको आगामी वार्षिक जलवायु सम्मेलन (कोप-३०) अगाडि विश्व नेता ब्राजिलको अमेजन क्षेत्रमा भेट गर्न तयारी गरिरहेका बेला यो घोषणा गरिएको हो । ८३ वर्षीय ब्लुमबर्गले पत्रकारसँगको संवादमा भन्नुभयो, “मिथेन उत्सर्जन जलवायु परिवर्तनका प्रमुख कारण मध्ये एक हो, तर यसलाई नियन्त्रण गर्न सक्ने हाम्रो सबैभन्दा ठुलो अवसर पनि यही हो ।” ब्लुमबर्ग फिलान्थ्रोपीजले विगत केही वर्षदेखि तेल, ग्यास र कोइला उद्योगबाट हुने मिथेन चुहावटक...

अमेरिका । अमेरिकाको न्युयोर्क सहरको मेयरमा जोहरान ममदानी निर्वाचित हुनुभएको छ । ३४ वर्षीय ममदानीको विजयले अमेरिकी राजनीतिमै नयाँ तरङ्ग ल्याएको छ । विश्वभर चर्चा चुलिएको छ । न्युयोर्कका लागि उहाँ पहिलो मुस्लिम र दक्षिण एसियाली मूलको मेयर बन्नुभएको छ । डेमोक्रेटिक उम्मेदवार ममदानीको विजयसँगै उहाँले एकसाथ तीन वटा इतिहास रच्नुभएको छ । पहिलो, ३४ वर्षका ममदानी न्युयोर्कको इतिहासमा सय वर्षभन्दा बढी समयपछि निर्वाचित सबभन्दा युवा मेयर हुनुहुन्छ । दोस्रो, उहाँ न्युयोर्कका पहिलो मुस्लिम मेयर बन्नुभयो र तेस्रो, उहाँ न्युयोर्कको मेयर बन्ने पहिलो दक्षिण एसियाली मूलका नागरिक हुनुहुन्छ । त्यस्तै रिपब्लिकन पार्टीबाट कर्टिस स्लिभा मेयरका उम्मेदवार बन्नुभएको थियो । उहाँले पराजय स्वीकार गर्दै ममदानीलाई शुभकामना दिनुभएको अन्तर्राष्ट्रिय समाचार संस्थाहरुले जनाएका छन् । “एउटा राजनीतिक वंशलाई उखेल्न हामी सफल भय...

अमेरिका । गैरआवासीय नेपाली संघ (एनआरएनए) ले बृहत एकता महाधिवेशनका लागि ८ बुँदे रोडम्याप सार्वजनिक गरेको छ । संघका प्रवक्ता फणिन्द्र पन्तले विज्ञप्ति जारी गर्दै सबैलाई सहभागी गराउन एमआईएस प्रणालीमार्फत सदस्यता अभियानलाई थप एक महिनाका लागि खुला गर्ने उल्लेख गरेका छन् । बृहत एकताको अवधारणा बमोजिम १२औँ महाधिवेशन तथा विश्व सम्मेलन आगामी सन् २०२६ जनवरी महिनाको ३०, ३१ र फेब्रुअरी १ तारिकमा सम्पन्न गर्ने निर्णय भएको प्रवक्ता पन्तले विज्ञप्तिमा उल्लेख गरेका छन् । प्रेस विज्ञप्ति ‘नेपालीका लागि नेपाली’ भन्ने मूल मन्त्रका साथ सन् २००३ मा सुरु भएको गैरआवासीय नेपाली अभियानले विश्वभर छरिएर रहेका नेपालीहरूलाई एकबद्ध गरी मातृभूमिको सामाजिक तथा आर्थिक विकासमा निरन्तर योगदान पुर्‍याउँदै आएको छ। स्थापना कालदेखि नै संघले नेपालीहरूको हक-अधिकार संरक्षण, सांस्कृतिक पहिचानको प्रवर्द्धन, लगानी तथा व्यवसायि...

नेपाल । गैरआवासीय नेपाली संघ (एनआरएनए) महिला विभागले ‘जेनजी आन्दोलन र नेपालमा डायस्पोराको भूमिका’ विषयक अन्तरक्रिया कार्यक्रम काठमाडौंमा सम्पन्न गरेको छ । एनआरएनएकी उपाध्यक्ष तथा महिला विभागकी संयोजक रोजिना प्रधान राईको संयोजकत्वमा आयोजित कार्यक्रममा संघीय संसदकी उपसभामुख महिला अधिकारकर्मी, संचारकर्मी, जेनजीका प्रतिनिधिहरु, मानव अधिकारकर्मी लगायत एनआरएनएका पदाधिकारीहरूको सहभागिता रहेको थियो । कार्यक्रममा बोल्दै गैरआवासीय नेपाली संघ (एनआरएनए) का अध्यक्ष डा. बद्री केसीले विशेषगरी जेनजी पुस्ताका माग सम्बोधनमा सरकार गम्भीर हुनुपर्नेमा समग्र एनआरएनए र विदेशमा रहेका नेपालीहरुको तर्फबाट ऐक्यबद्धता प्रकट गर्नुभयो । उहाँले अपराध, हिंसा र आन्दोलनलाई फरक दृष्टिले बुझ्नुपर्ने बताउँदै आफ्ना माग शान्तिपूर्ण रूपमा राख्नु संवैधानिक अधिकार भए पनि अपराध र हिंसामा संलग्न जो कोहीलाई कानूनी दायरामा ल्याउन जर...

नेपाल । गैरआवासीय नेपाली संघ (एनआरएनए) अन्तर्राष्ट्रिय समन्वय परिषदको ११०औं केन्द्रीय बैठक आगामी नोभेम्बर २ आइतवारका दिन बस्ने भएको छ । बैठक भर्चुअल माध्यममार्फत आयोजना हुनेछ । पछिल्लो समय एनआरएनएमा एकता र समायोजनका विषयमा तीव्र चर्चा चलिरहेका बेला बस्न लागेकाले यो बैठकलाई निकै महत्वपूर्ण र चासोको विषयका रूपमा हेरिएको छ । संघका महासचिव गौरीराज जोशीका अनुसार बैठकमा संस्थाका आन्तरिक प्रतिवेदन, संस्थागत अद्यावधिक (अपडेट) तथा आगामी कार्यक्रमका अजेण्डाहरू प्रस्तुत गरिने छ । साथै, यसअघि स्थगित गरिएको १२औं बृहत एकता महाधिवेशनको नयाँ मिति तय गर्ने विषय पनि बैठकको मुख्य एजेन्डामा हुने अपेक्षा गरिएको छ । ...

नेपाल । गैरआवासीय नेपाली संघ (एनआरएनए) ले काठमाडौं उपत्यका ट्राफिक प्रहरी महाशाखा, रामशाहपथमा निर्माण गरिएको अत्याधुनिक ट्राफिक कन्ट्रोल रुम औपचारिक रूपमा नेपाल प्रहरीलाई हस्तान्तरण गरेका छन् । मङ्गलवार आयोजित कार्यक्रममा अध्यक्ष महेशकुमार श्रेष्ठले उपत्यका प्रहरी प्रमुख अतिरिक्त प्रहरी महानिरीक्षक (एआईजी) दानबहादुर कार्कीलाई कन्ट्रोल रुमको साँचो हस्तान्तरण गरेका हुन् । ७५ लाख ४४ हजार रुपैयाँको लागतमा सम्पन्न परियोजनामा सिभिल निर्माण, आधुनिक डिजाइन, भिडियो वाल, नेटवर्क प्रणाली र अपरेशनल उपकरणहरूको प्रतिस्थापन तथा मर्मत कार्य गरिएको छ । योसँगै काठमाडौं उपत्यकाका मुख्य सडकहरू सिसिटिभीको निगरानीमा रहने छन् । श्रेष्ठले यो परियोजना केवल संरचना हस्तान्तरण नभई प्रवासी नेपालीहरूको मातृभूमिप्रतिको जिम्मेवारी र सहकार्यको प्रतीकको रूपमा रहेको बताए । उनले स्मार्ट, सुरक्षित र दिगो सहर निर्माणतर्फ य...

अमेरिका । जापानमा ‘एकीकृत नेपाली घरः बहु सांस्कृतिक केन्द्र’ निर्माणका लागि टोकियो सप्ताह हुने भएको छ । गैरआवासीय नेपाली सङ्घ राष्ट्रिय समन्वय परिषद् (एनआरएनए) जापानको आयोजना र जापानमा रहेका विभिन्न सङ्घ संस्थाको सहकार्यमा आगामी नोभेम्वर ८ देखि १५ तारिखसम्म ‘टोेकियो सप्ताह’ हुन लागेको हो । जापानको टोकियोस्थित शिन्ज्युकुमा हुन लागेको उक्त सप्ताहव्यापी महायज्ञमा वाचनप्रवीण पण्डित दिनबन्धु पोखरेल र बौद्ध गुरु टुल्कु सोनाम गर्वाङ रिम्पोछेले कथा वाचन गर्ने कार्यक्रम रहेको एनआरएनए जापानका अध्यक्ष सुभास लामिछानेले जानकारी दिनुभयो । “जापानमा नेपालीबीचको एकता, भाइचारा र एक अर्का पुस्ताबीचको पारस्परिक सम्बन्धलाई थप मजबुत बनाउँदै आध्यात्मिक चिन्तनको उजागर गर्न र गराउन महायज्ञ कार्यक्रमको आयोजना गरिएको हो”, अध्यक्ष लामिछानेले भन्नुभयो । अध्यक्ष लामिछानेले एकिकृत नेपाली घर निर्माणका लागि स्रोत जुटाउ...