अन्तराष्ट्रिय/प्रवास

अमेरिका । एनआरएनए अन्तर्राष्ट्रिय समन्वय परिषदका महासचिव गौरीराज जोशीले राष्ट्रिय समन्वय परिषद अन्तर्गत हुने राष्ट्रिय महाधिवेशनहरूको अनुगमनका लागि निर्वाचन अनुगमन समिति गठन गर्न सम्बन्धित पक्षहरूलाई आग्रह गरेका छन्। महाससचिव जोशीका अनुसार संघको विधान तथा “राष्ट्रिय महाधिवेशन सञ्चालन तथा राष्ट्रिय समन्वय परिषदको सम्बन्धन सम्बन्धित नियमावली २०२१ ९संशोधित २०२५०” अनुसार, राष्ट्रिय समन्वय परिषद्ले अधिकतम पाँच सदस्यीय निर्वाचन अनुगमन समिति गठन गर्न सक्ने व्यवस्था छ । यो समितिमा राष्ट्रिय वा अन्तर्राष्ट्रिय समन्वय परिषदमा नेतृत्वदायी भूमिका निर्वाह गरिसकेका वा अभियानमा उल्लेखनीय योगदान दिएका व्यक्तिहरूलाई समावेश गरिनेछ। साथै, तीमध्ये एक जना सदस्य अन्तर्राष्ट्रिय कार्यकारी सचिवालयबाट तोकिएको हुनुपर्नेछ । महासचिव जोशीले प्रकाशित गरेको सूचना अनुसार निर्वाचन भन्दा कम्तीमा सात दिन अगाडि अनुगमन समित...

अमेरिका । गैरआवासीय नेपाली संघ (एनआरएनए) ले “नेपाल नागरिकता ऐन, २०६३ लाई संशोधन गर्न बनेको विधेयक” माथि आफ्ना सुझाव पेश गरेको छ । सोमबार नेपालको प्रशासनिक केन्द्र सिंहदरबारमा “नेपाल नागरिकता ऐन, २०६३ लाई संशोधन गर्न बनेको विधेयक, सम्बन्धमा गैरआवासीय नेपाली संघसहित ब्रिटिस गोर्खा सैनिक र सरोकारवालासँग छलफल” गर्न बसेको प्रतिनिधि सभाअन्तर्गतको राज्य व्यवस्था तथा सुशासन समितिको बैठकमा आफ्नो सुझाव पेश गरेको हो । उक्त अवसरमा संस्थापक अध्यक्ष डा. महतोले नेपालीलाई नेपालसँग जोडिराख्न नागरिकता अति आवश्यक रहेको बताउनुभयो । डा. महतोले गैरआवासीय नेपालीहरू र ब्रिटिस गोर्खा सैनिकहरूलाई आफ्ना सन्तानहरूले नेपाललाई ‘विदेश’ नठानून् भन्ने गम्भीर चिन्ता रहेको उल्लेख गर्नुभयो । उहाँले आफ्ना छोरा–छोरीहरूको मनमा नेपाललाई मातृभूमिको रूपमा स्थापित गर्न र आमाबुबाको जन्मभूमिप्रति भावनात्मक नाता कायम रहोस् भन्ने उद्...

अमेरिका । दक्षिण अमेरिका महादेशका दुई देश ब्राजिल र कोलम्बियामा गैरआवासीय नेपाली संघ (एनआरएनए) को तदर्थ समिति गठन भएको छ । कोलम्बियामा छत्रबहादुर मैनाली र ब्राजिलमा सन्देश लामिछानेलाई तदर्थ समितिको अध्यक्ष तोकिएको छ । कोलम्बियाको तदर्थ समितिका पदाधिकारीहरुमा लालबहादुर गुरूङ, सुन्दर तामाङ, धनबहादुर तामाङ, प्रेमबहादुर क्षेत्री र मिथुन थापा क्रमशः उपाध्यक्ष, सचिव, उपसचिव र कोषाध्यक्ष रहेका छन् । त्यस्तै सदस्यहरुमा जीतबहादुर गुरूङ, कमल शर्मा र महिला सदस्यमा प्रविना राई छन् । संघको सल्लाहकारहरुमा हर्कमान गुरूङ र उमेश थापा छन् । ब्राजिलको तदर्थ समितिमा साहस चौधरी, कृष्ण मास्की, शंकर बास्कोटा, हरिकृष्ण रेग्मी र बबिता गुरूङ क्रमशः उपाध्यक्ष, महासचिव, सचिव, उपसचिव र कोषध्यक्ष रहेका छन् । त्यस्तै सदस्यहरुमा रिताकुमारी गोले, प्रदीप चौधरी र महिला सदस्यमा तारा गैरे रहेका छन् । तदर्थ समितिको सल्लाहका...

नेपाल । अमेरिकाबाट डिपोर्ट गरिएका थप ३७ जना नेपालीहरू आइतबार राति नेपाल आइपुगेका छन् । अमेरिकाले चार्टर्ड विमानमार्फत् काठमाडौं फर्काइदिएको हो । ३२ पुरुष र ५ महिला गरी ३७ जना नेपाली फर्किएका हुन् । राष्ट्रपति डोनाल्ड ट्रम्पले पछिल्लोपटक सत्ता सम्हालेपछि अमेरिका सरकारले आप्रवासीहरुमाथि कडाइ गर्दै आएको छ । भिसा प्रक्रिया पूरा नगरेका, भिसा अवधिभन्दा बढी समय बसेका र चालचलन राम्रो नभएकाहरुलाई अमेरिकाले नियन्त्रणमा लिएर उनीहरूकै देश फर्काइरहेको छ । अमेरिकी सरकारको सोही नीति अनुसार नेपालीहरुलाई पनि डिपोर्ट गर्दै आएको छ । ट्रम्प दोस्रोपटक राष्ट्रपति बनेपछि सन् २०२५ को जनवरी २० देखि मे महिनाको अवधिमा १४० जना नेपालीलाई अमेरिकाले डिपोर्ट गरिसकेको छ । ...

अमेरिका । अमेरिकी राष्ट्रपति डोनाल्ड ट्रम्पको हार्वर्ड विश्व विद्यालयमा विदेशी विद्यार्थीको भर्नालाई रोक्ने पछिल्लो प्रयासलाई पनि अदालतले अस्थायी रोक लगाएको छ । अमेरिकी जिल्ला न्यायाधीश एलिसन बरोजले अदालतले ट्रम्पको घोषणालाई लागू गर्न नसक्ने फैसला गरेका हुन् । यसअघि पनि बरोजले नै अन्तर्राष्ट्रिय विद्यार्थीहरूको भर्नालाई रोक्ने ट्रम्पको पहिलेको प्रयासलाई पनि रोक्न आदेश दिएका थिए । अन्तर्राष्ट्रिय सञ्चार माध्यमका अनुसार ह्वाइटहाउसले गत बुधबार राति जारी गरेको घोषणाले हार्वर्डमा धेरैजसो नयाँ अन्तर्राष्ट्रिय विद्यार्थीलाई अमेरिकामा प्रवेश गर्न रोकेको थियो भने भर्ना भइसकेका विदेशी विद्यार्थीको भिसा पनि रद्द हुने जोखिम रहेको बताइएको थियो ।...

अमेरिका । अमेरिकाको भर्जिनियामा एकै परिवारका चार नेपालीको हत्या भएको छ । भर्जिनियाको मानासास पार्कमा रहेको एक घरमा विहीबार राति दुई बालबालिका र दुई वयस्कलाई गोली हानी हत्या गरिएको अवस्थामा फेला पारेको स्थानीय प्रहरीले जानकारी दिएको सञ्चारमाध्यमहरुले उल्लेख गरेका छन् । प्रहरीले २ वर्षीय बालक, ८ वर्षीया बालिका, ३८ वर्षीय सन्तोष परियार र ३६ वर्षीया अञ्जु श्रेष्ठ गोली लागेर मृत अवस्थामा फेला परेको प्रहरीले जानकारी दिएको छ । घटनास्थलबाट एउटा बन्दुक बरामद भएको छ। सो परिवार करिब छ महिनाअघि नेपालबाट अमेरिका पुगेको थियो । गत वर्ष भएको ममता भट्ट हत्याकाण्ड समेत यही सिटीमा भएको थियो ।...

अमेरिका । टेक्सास राज्यको ड्यालस–फोर्टवर्थ क्षेत्रमा रहेका नेपाली बालबालिकालाई स्थानीय सुरक्षा प्रणालीसम्बन्धी जानकारी प्रदान गरिएको छ । नेपाली समाज टेक्सास र ग्लोबल नेपाली पाठशालाको संयुक्त आयोजनामा सञ्चालित दुई हप्ते समर क्याम्प (गर्मी शिविर) अन्तर्गत बुधबार युलेश सिटीमा प्रहरी र अग्निनियन्त्रक अधिकारीले बालबालिकालाई व्यक्तिगत तथा सार्वजनिक सुरक्षाका विविध पक्षमा जानकारी दिएका हुन् । कार्यक्रमको अवसरमा बालबालिकाले प्रहरी र अग्निनियन्त्रण गाडीमा जडान गरिएका उपकरणको अवलोकन गर्नुका साथै सुरक्षा प्रणालीसम्बन्धी सैद्धान्तिक जानकारीसमेत पाएका छन् । पाठशालाका प्रमुख डा भोजबहादुर बलायरका अनुसार विगतदेखि प्रत्येक वर्ष सञ्चालन हुँदै आएको समर क्याम्पमा यस वर्षदेखि सुरक्षा विषयलाई समेत समावेश गरिएको हो । यसअघि क्याम्पमा मुख्य रूपमा सांस्कृतिक तथा आध्यात्मिक विषयवस्तुमा मात्रै ध्यान दिइँदै आएको थिय...

अमेरिका । अमेरिकामा रहेका मधेसी समुदायले मधेस पार्क बनाउन पहल सुरु गरेका छन् । मधेसी एशोसियन इन अमेरिकाको पहलमा मधेस पार्क निर्माण गर्न अभियान सुरु गरिएको हो । मधेसी एशोसियन इन अमेरिकाको भर्जिनियामा सम्पन्न चौथो महाधिवेशनमा पूर्वउपप्रधानमन्त्री तथा राष्ट्रिय मुक्ति पार्टीका अध्यक्ष राजेन्द्र महतोले मधेस पार्कको योजनाको उद्घाटन गर्नुभएको छ । अमेरिकामा मधेसी समुदायको बसोबास बाक्लिँदै गएकाले मधेसी समुदायको पहिचान जोगाउन मधेस पार्क निर्माण गर्ने योजना बनाएको संस्थाका अध्यक्ष डा सङ्गीत रौनियारले बताउनुभयो । मधेस पार्क मधेसी समुदायको बसोबास, स्थानको सम्भावना र उपलब्धता, आर्थिक स्रोतका आधारमा कुन राज्यमा निर्माण गर्ने भनेर निर्णय गरिनेछ । अध्यक्ष रौनियारमा अनुसार मधेस पार्क मधेसी समुदायको सहभागिता र सहयोगमा निर्माण गरिनेछ । पार्कमा प्रवेश गर्ने जोकोहीले आफूलाई मधेस प्रदेशमा भएको अनुभू...

अमेरिका । पूर्वशिक्षा तथा विज्ञान प्रविधिमन्त्री गिरिराजमणि पोख्रेलले अमेरिकाको नर्थ क्यारोलाइनास्थित मोरिसभिलमा स्थानीय नेपाली समुदायसँग नेपालको शिक्षाका विषयमा हालै एक अन्तरक्रिया गर्नुभएको छ । नेपालमा रहँदा शिक्षण पेसामा आबद्ध नेपाली विद्वत वर्गले नेपाल र अमेरिकाबीचको शिक्षण विधिका भिन्नता र एकरूपताका बारेमा आफ्ना धारणा राखेका थिए । सो अवसरमा नेपालको पाठ्यक्रम तथा शिक्षणमा गर्न सकिने परिवर्तन र सुधारका बारेमा छलफल भएको थियो । नेपाल सेन्टर अफ नर्थ क्यारोलाइना (एनसिएनसी)का संस्थापक अध्यक्ष ईश्वर देवकोटाले पोख्रेललाई स्वागत गर्दै नेपालका विद्यालयमा पनि विद्यार्थीले क्षमता र रुचिअनुसार कलेजका केही कोर्ष विद्यालयमै अध्ययन गर्न पाउने अवसर प्रदान गर्ने नीति निर्माण गर्नुपर्नेमा जोड दिनुभयो । एनसिएनसीका अध्यक्ष डा विकास शाक्यले अमेरिकी शिक्षणमा जस्तै नेपालमा अनुसन्धानलाई अझ बढी समावेश गर्न स...

नेपाल । सरकारले गैरआवासीय नेपाली (एनआरएन) नागरिकता सम्बन्धी विधेयकको मस्यौदा तयार पारेको छ । गृहमन्त्री रमेश लेखकका अनुसार उक्त विधेयकको मस्यौदा बनेर प्रक्रियामा अगाडि बढेको छ । शुक्रबार प्रतिनिधि सभा अन्तर्गतको राज्य व्यवस्था तथा सुशासन समितिमा बोल्दै गृहमन्त्री रमेश लेखकले गैरआवासीय नेपाली सम्बन्धी विधेयकको मस्यौदा तयार भइसकेको जानकारी दिएका हुन् । उनका अनुसार गैरआवासीय नेपाली नागरिकताको विषयलाई सम्बोधन गर्नका लागि बेग्लै ऐन बनाउन लागिएको हो । उनल भनेका छन्, ‘गैरआवासीय नेपाली नागरिकता दिँदा राजनीतिक अधिकार बाहेक आर्थिक, सामाजिक, सांस्कृतिक अधिकार सहितको जुन संविधानको भावना छ, त्यो अनुसार गैरआवासीय नेपाली सम्बन्धी विधेयक ड्राफ्ट भइसकेको छ ।’ विभिन्न मन्त्रालयहरुमा राय, परामर्शहरुका लागि अगाडि बढेको उलेख गर्दै गृहमन्त्री लेखकले थपेका छन्, ‘त्यसलाई सरकारले चाँडै क्याबिनेटको सहमतिका साथ ...