मनोरन्जन

नेपाल । नेपाली सांगीतिक क्षेत्रको लोकप्रिय ब्यान्ड नेपथ्यले पहिलोपटक सुनसरीको इटहरीमा सांगीतिक प्रस्तुति दिने भएको छ । इटहरीस्थित रंगशालामा आगामी कात्तिक १८ गते बुधबार नेपथ्यको कन्सर्ट आयोजना हुन लागेको हो । पूर्वाञ्चल इन्टरटेनमेन्ट प्रालिको आयोजनामा हुन लागेको कार्यक्रममा नेपथ्यका अमृत गुरुङसहित ब्यान्डका सदस्यले आफ्ना लोकप्रिय गीत प्रस्तुत गर्नुहुनेछ । कार्यक्रमका लागि भौतिक रूपमा टिकट बिक्री गर्ने कार्य सम्पन्न भइसकेको र अब थप दुई दिन अनलाइनमार्फत टिकट बिक्री गरिने आयोजकले जनाएको छ । आयोजकका अनुसार नेपथ्यको प्रस्तुति हेर्न कोशी प्रदेशका विभिन्न जिल्लासहित पूर्वी नेपालका आसपासका क्षेत्रबाट दर्शकले टिकट खरिद गरेका छन् । परिवार तथा समूहमासमेत दर्शकले टिकट खरिद गरेकाले कार्यक्रममा उल्लेख्य सहभागिता रहने अपेक्षा गरिएको बताइएको छ । इटहरीमा स्थानीय आयोजककै पहलमा यस स्तरको सांगीतिक कार्यक्रम ...

नेपाल । नेपाल राष्ट्र बैंकका उपनिर्देशक विनिता गुरुङले ह्विसपर मिसेस नेपाल वर्ल्ड–२०२६ को उपाधि जित्नुभएको छ । रिबन इन्टरटेनमेन्ट प्रालिको आयोजनामा शनिबार राति सम्पन्न सौन्दर्य प्रतियोगितामा २१ प्रतिस्पर्धीलाई पछाडि पार्दै गुरुङ विजेता बन्नुभएको हो । दिक्तेल, खोटाङकी गुरुङले शीर्ष उपाधि विजेता भएबापत स्कुटर प्राप्त गर्नुभएको छ । अधिवक्तासमेत रहेकी उहाँले अमेरिकामा आयोजना हुने विवाहित महिलाहरूको अन्तर्राष्ट्रिय प्रतियोगिता मिसेस वर्ल्डमा नेपालको प्रतिनिधित्व गर्ने अवसर पाउनुहुने छ । गुरुङले बेस्ट पर्सनालिटी उपाधिलाई पनि आफ्नो बनाउनुभयो । प्रदर्शनीमार्गस्थित नेपाल पुलिस क्लबमा आयोजित विवाहित सुन्दरीहरूको सबैभन्दा ठुलो सौन्दर्य प्रतियोगितमा नेहा गुप्ता फर्स्ट रनर्सअपका साथ रिबन इन्टरटेनमेन्ट म्यानेजमेन्ट च्वाइस, ज्योति लामिछाने सेकेन्ड रनर्सअप तथा सगुन खनाल थर्ड रनर्सअपका साथ हर्लिक्स बेस्...

नेपाल । काठमाडौँ महानगरपालिकाको आयोजनामा शुक्रबारदेखि कात्तिक १३ गतेदेखि काठमाडौँ फिल्म फेस्टिभल आयोजना गरिँदै छ । काठमाडौँको कला, संस्कृति तथा सम्पदाको प्रवर्धन, नेपाली चलचित्रको संरक्षण र रचनात्मक उद्योगको विकास गर्ने उद्देश्यले महोत्सव आयोजना गर्न लागिएको हो । तीनदिने काठमाडौँ फिल्म फेस्टिभलमा भारतीय चलचित्र उद्योगका दिग्गज हस्ती अभिनेतृ शवाना आजमी, साङ्घाई फिल्म एकेडेमी, फिल्म आर्ट्स रिसर्च सेन्टरका विशिष्ट प्राध्यापक मार्को मुलर, जापानका चलचित्र निर्देशक ताकायुकी नाकामुरा र भारतीय फिल्म प्रोग्रामर दीप्ति डिकुन्हा सहभागी हुनुहुने छ । महोत्सवको पहिलो दिन वसन्तपुरमा सम्पदा यात्रासहित उद्घाटन कार्यक्रम आयोजना गरिने छ । महोत्सव अन्तर्गत राष्ट्रिय सभा गृह, नेपाल पर्यटन बोर्ड, जय नेपाल सिनेमा हल र तारागाउँलगायत स्थानमा चलचित्र प्रदर्शन, मास्टर क्लास तथा प्यानल छलफल सञ्चालन हुने छन् । नेपाल...

नेपाल । वरिष्ठ कलाकार मदनकृष्ण श्रेष्ठको जीवनीमा आधारित बायोपिक सिनेमा ‘म मदनकृष्ण’ को पहिलो चरणको छायाङ्कन सकिएको छ । असोज २ देखि काभ्रेको धुलिखेलमा सुरु भएको चलचित्रको पहिलो चरणको छायाङ्कन सम्पन्न भएको हो । “मदनकृष्ण श्रेष्ठ आफ्नो जीवनीमा बनेको सिनेमाको छायाङ्कन हेरेर निकै भावुक हुनुभयो । उहाँ सिनेमाको काम देखेर सन्तुष्ट हुनुहुन्छ । जसको कथामा सिनेमा बनिरहेको छ, उहाँ स्वयम् सेटमा हुँदा हामीलाई थप सहज भएको छ,” चलचित्रका निर्देशक मिलन चाम्सले भन्नुभयो । दोस्रो चरणको छायाङ्कन दसैँलगत्तै सुरु हुने निर्देशक चाम्सले जानकारी दिनुभयो । ‘म मदनकृष्ण’ मा मदनकृष्णको भूमिका अभिनेता महेश त्रिपाठीले निर्वाह गर्नुभएको छ । यो बायोपिकको शीर्ष भूमिकामा दर्शकले केकी अधिकारीलाई पनि देख्न पाउने छन् । उहाँले मदनकृष्णकी श्रीमती यशोदाको भूमिका निर्वाह गर्नुभएको छ । अरुण क्षेत्री हरिवंश आचार्य बन्नुभएको छ । मद...

नेपाल । नेपाली चलचित्र ‘गौँथली’ ले निर्देशक डा. कपिल रिजाल फ्रान्सको रेड मुभी अवार्ड, २०२६ अन्तर्गत उत्कृष्ट निर्देशक विधामा विजेता घोषित हुनुभएको छ । रेड मुभी अवार्डको आधिकारिक वेबसाइटमा प्रकाशित अन्तिम विजेता सूची अनुसार ‘गौँथली’ का लागि डा। रिजालले उक्त अवार्ड जित्नुभएको हो । यस सफलताले निर्देशक रिजालको सिर्जनात्मक यात्रा र नेपाली चलचित्रको सम्भावनालाई अन्तर्राष्ट्रियस्तरमा चिनाउन थप योगदान पुर्‍याउने अपेक्षा गरिएको छ । निर्देशक रिजालले ‘गौँथली’ लाई माया, विश्वास र साथ दिएर यो स्थानसम्म पुर्‍याउन सहयोग गर्ने सम्पूर्ण दर्शक, शुभचिन्तक, आफन्त तथा चलचित्र प्रेमीप्रति आभार व्यक्त गर्नुभएको छ ।...

नेपाल । राष्ट्रिय लोक तथा दोहोरीगीत प्रतिष्ठान नेपालको अध्यक्षमा पशुपति शर्मा निर्विरोध निर्वाचित हुनुभएको छ। प्रतिष्ठानको नवौँ राष्ट्रिय महाधिवेशनअन्तर्गत अध्यक्ष पदमा शर्माको मात्रै उम्मेदवारी परेपछि उहाँ निर्विरोध निर्वाचित हुनुभएको हो। यसअघि प्रतिष्ठानको वरिष्ठ उपाध्यक्ष रहनुभएका शर्मा अध्यक्षमा निर्वाचित हुनुभएको हो। लामो समयदेखि नेपाली लोकसङ्गीतमा सक्रिय शर्माले यस क्षेत्रमा आफ्नो छुट्टै पहिचान बनाउनुभएको छ। मौलिक लोकभाका, व्यङ्ग्यात्मक प्रस्तुति र जनजीवनसँग जोडिएका गीतमार्फत उहाँ दर्शक तथा श्रोतामाझ लोकप्रिय हुनुहुन्छ। यसैगरी, महासचिवमा शिव हमाल पनि निर्विरोध निर्वाचित हुनुभएको छ। वरिष्ठ उपाध्यक्षमा दीपक खड्का र प्रथम उपाध्यक्षमा सुवास केसी निर्विरोध निर्वाचित हुनुभएको छ। द्वितीय उपाध्यक्ष ९साङ्गठनिक० पदका उम्मेदवार र कोषाध्यक्षमा निर्वाचित जुना शिरिषको नाम भने समाचारमा स्पष्ट खुल...

नेपाल । हिन्दी तथा मराठी चलचित्रका चर्चित अभिनेता नाना पाटेकरको बिहीबार बिहान हृदयाघातपछि निधन भएको मणिपाल अस्पतालका चिकित्सकले बताएका छन् । मणिपाल अस्पतालको ओन्कोलोजी विभागका प्रमुख डा शेखर साल्करका अनुसार बिहान निवासमा अस्वस्थ भएपछि पाटेकरलाई अस्पताल ल्याइएको थियो । अस्पताल पुर्याउँदा उहाँको अवस्था गम्भीर भइसकेको थियो । चिकित्सकको टोलीले करिब ४५ मिनेटदेखि एक घण्टासम्म उहाँलाई पुनर्जीवित गर्ने प्रयास गरे पनि बचाउन नसकिएको डा साल्करले बताउनुभयो । उहाँका अनुसार पाटेकरले बिहान करिब २:३० बजे आफूलाई असहज भइरहेको भन्दै एक साथीलाई सन्देश पठाउनुभएको थियो । रातको समय भएकाले साथीले तत्काल सन्देश देख्नुभएन । त्यसपछि उहाँले पाटेकरलाई फोन गर्नुभयो र बिहान करिब ४ बजे उहाँको निवासमा पुग्नुभयो । त्यति बेला पाटेकरलाई अत्यधिक पसिना आएको र उहाँ बिस्तारै बेहोस हुँदै जानुभएको थियो । अस्पतालको आपतकालीन टोलील...

नेपाल । ‘मिस युनिभर्स नेपाल २०२६’को उपाधि प्रायश्ना गुरूङले जितेकी छन् । आइतबार बेलुका भएको काठमाडौंको होटल सोल्टी क्राउन प्लाजामा आयोजित ग्रान्ड फिनालेमा प्रयासनाले ताज पहिरिएकी हुन्। गुरुङ बेलायतस्थित गैरआवासीय नेपाली हुन् र उनले महिला सशक्तीकरणका कार्यक्रम चलाइरहेकी छिन् । जहाँ मिस युनिभर्सहित ‘मिस अर्थ नेपाल २०२६’ को विजेता समेत घोषणा गरिएको छ। विनिता ओली ‘मिस अर्थ २०२६’ घोषित भइन्। फिनालेमा पूर्वमिस युनिभर्स इन्डिया तथा बलिउड अभिनेत्री सेलिना जेटली मुख्य निर्णायक थिइन्। यसअघि ‘मिस अर्थ’को आयोजना मिस नेपालको आयोजक संस्था द हिडन ट्रेजरले गर्दै आएको थियो। तर, केही वर्ष पहिले संस्थाले आयोजना छाडेको थियो। अहिले मिस युनिभर्स नेपालको इजाजत लिएको संस्थाले नै मिस अर्थको आयोजना गरेको हो ।...

नेपाल । सङ्गीतकार, गायक तथा गीतकार अम्बर गुरुङको स्मृतिमा स्थापना गरिएको ‘अम्बर गुरुङ स्मृति सङ्गीत पुरस्कार’ यस वर्ष मूर्धन्य सङ्गीतकार, गायक तथा गीतकार शम्भुजीत बास्कोटालाई प्रदान गरिएको छ । दार्जिलिङको मिरिकस्थितलभ एन्ड सपोर्ट फाउन्डेसन तथा अम्बर गुरुङ सालिक निर्माण संरक्षण समितिद्वारा बास्कोटालाई भारतीय रुपैयाँ ५१ हजार १११ नगद र ताम्रपत्रसहित सो पुरस्कार प्रदान गरेको हो । मिरिकमा आइतबार आयोजित कार्यक्रमा संस्थाका अध्यक्ष कैलाश राई, सचिव डी। केगिरी, प्रमुख अतिथि गोविन्द सिंह क्षेत्री तथा संस्थापक अध्यक्ष मनोज राइलगायतले बास्कोटालाई सो पुरस्कार सहित सम्मान गरिएको सो संस्थाद्वारा जारी विज्ञप्तिमा जनाइएको छ । साथै नयाँ पुस्तामाझ अम्बर गुरुङका कालजयी धुन तथा सिर्जनालाई स्मरण र संरक्षण गर्ने उद्देश्यले साङ्गीतिक कार्यक्रमको आयोजना गरिएको र सो कार्यक्रममा सङ्गीतकार तथा गीतकार बास्कोटालाई स...