मनोरन्जन

कोलोराडो । चर्चित गायक तथा संगीतकार राजु परियारको शब्द/संगीत र अमेरिकाको कोलोराडो निवासी बालगायक अविक अधिकारीले स्वर दिएको बालभजन ‘कृष्ण कन्हैया’ सार्वजनिक भएको छ । उक्त बालभजनमा भगवान् श्रीकृष्णप्रतिको श्रद्धा र भक्तिलाई बालबालिकाले सहज रूपमा बुझ्न सक्ने शैलीमा भजन प्रस्तुत गरिएको बालगायक अविक अधिकारीका पिता तथा अनेसास कोलोराडो च्याप्टरका अध्यक्ष किरण अधिकारीले बताउनु भयो । भजनमा नारायण दंगालको संगीत संयोजन रहेको छ भने अडियो रेकर्डिङ म्युजिक प्लस एमएफमा गरिएको हो । गोपाल दयालले रेकर्डिङ, मनोज परियारले मिक्सिङ तथा मास्टरिङ र किरण अधिकारीले अडियो–भिडियोको जिम्मेवारी सम्हालेका छन् । यता, भिडियो निर्देशन मिलन श्रेष्ठले गरेका छन् भने छायांकन दिनेश खनालको रहेको छ । भिडियोमा अविक अधिकारीसहित अन्जु अधिकारी, अरिका अधिकारी, विशेष रोका, त्रियान श्रेष्ठ, प्रजिव श्रेष्ठ, कर्मा कुमारी श्रेष्ठ, इशिका...

अमेरिका । नेपाल फिल्म सोसाइटी, ग्लोबल नेपाली फिल्म अवार्ड एलएलसी अमेरिका र भारा इन्टरटेन्मेन्ट अष्ट्रेलियाले संयुक्त रूपमा आयोजना गर्ने भनिएको नवौं ग्लोबल नेपाली फिल्म अवार्ड–२०२६ स्थगित भएको छ। अष्ट्रेलियाको सिड्नीमा आगामी डिसेम्बर १७ मा आयोजना गर्ने तय भएको अवार्ड नेपालमा पछिल्लो समय रसुवा भोटेकोशीमा गएको बाढी र उत्पन्न प्राकृतिक विपत्तिका कारण स्थगित गरिएको आयोजकले जनाएको छ। नेपालमा ठूलो जनधनको क्षति भएको र देश शोक तथा कठिन परिस्थितिबाट गुज्रिरहेका बेला उत्सव आयोजना गर्नु उपयुक्त नहुने भन्दै कार्यक्रम स्थगित गरिएको हो । अवार्डको नयाँ मिति कलाकार, चलचित्रकर्मी, प्रायोजक तथा साझेदारसँगको परामर्शपछि तय गरिने ग्लोबल नेपाली फिल्म अवार्ड एल एल सि यूएसएका चेयरपर्सन नायक/निर्देशक नवराज श्रेष्ठले बताउनु भयो । अवार्डका अघिल्ला ८ संस्करणहरू अमेरिकाको कोलोराडो, सनफ्रान्सिस्को र न्यूयोर्क शहरमा ...

नेपाल । चलचित्र ‘पेन्सन पट्टा’ ट्रेलर एक कार्यक्रमबिच सार्वजनिक गरिएको छ । माओत्से गुरुङ फिल्म्सको ब्यानरमा निर्माण भएको चलचित्रले भूपू लाहुरेले पेन्सनसँग सम्बन्धित विषयमा भोग्नु परेका वास्तविक समस्या र त्यसबाट सृजित सामाजिक तथा पारिवारिक अवस्थालाई कथाको केन्द्रमा राखिएको छ । सार्वजनिक ट्रेलरमा भूपू लाहुरेको पेन्सनसम्बन्धी समस्या, सङ्घर्ष र भावनात्मक पक्षलाई प्रस्तुत गरिएको छ । कार्यक्रममा चलचित्रका निर्देशक तथा कलाकारले छायाङ्कनका क्रममा भएका अनुभव र चलचित्र निर्माणका व्रmममा भोगेका विभिन्न रोचक प्रसङ्ग साझा गर्नुभयो । माओत्से गुरुङको लेखन तथा निर्देशन रहेको चलचित्रमा दयाहाङ राई, गौमाया गुरुङ, विल्सनविक्रम राई, बुद्धि तामाङ, पशुपति राई, विश्वास गुरुङ, माया गुरुङ, पुष्करबहादुर गुरुङ, दिवङ्गत सुनील थापा र लुनिभा तुलाधरसहितका कलाकारको अभिनय छ । ...

नेपाल । गीतकार तथा अभिनेता नीर शाहका गीत मीना पोखरेल र रूपक चौधरीको स्वरमा ‘पलेँटी’ मा गुञ्जायमान हुने भएका छन् । हरेक अङ्ग्रेजी महिनाको अन्तिम शुक्रबार नेपालयको ‘आर’ शालामा आयोजना हुँदै आएको साङ्गीतिक ‘पलेँटी’ कार्यक्रममा शाहद्वारा रचित गीत सुन्न पाइने भएको हो । शाह लामो समयदेखि नेपाली चलचित्र क्षेत्रमा क्रियाशील रहँदै आएका अभिनेता तथा निर्देशक हुनुहुन्छ । उहाँले रचना गर्नुभएका गीतले लामो समयदेखि नेपाली सङ्गीत क्षेत्रलाई तरङ्गित बनाउँदै आएको छ । उहाँका ‘पर्खी बसेँ आउला भनी’, ‘कहिलेकाहीँ म हाँस्छु’, ‘गहिराइमा डुब्दै नडुब’, ‘अधरको मुस्कान त केही होइन’, ‘बादल बनाइदेऊ’, ‘हिउँभन्दा चिसो’ लगायतका कालजयी गीत रहेका छन् । शाहद्वारा रचित चलचित्रका गीतमा ‘आँखैमा कसैको तस्बिर बसेछ’, ‘जति निर्मल’, ‘छोरी मलाई भागी भागी’, ‘यो साँझ यो सुवास’ पनि लोकप्रिय छन् । सङ्गीतकार नातिकाजी, शम्भुजित बाँस्कोटा, सि...

नेपाल । विश्वको सर्वोच्च शिखर सगरमाथा आरोहणको जीवन्त अनुभूति दिलाउँदै नेपाललाई अन्तर्राष्ट्रिय जगतमा परिचित गराउने उद्देश्यले तयार गरिएको वृत्तचित्र ‘रोड टु एभरेष्ट’ भावी पुस्तालाई उपहार स्वरूप सयौँ वर्षसम्म कालजयी दस्तावेजका रूपमा रहने देखिन्छ । राजधानीमा प्रदर्शित वृत्तचित्रको ‘प्रिमियम शो’मा सहभागी वक्ता एवं दर्शकले वृत्तचित्रलाई केवल हिमालको कथाको रूपमा मात्र नभई नेपाली पहिचानको कथाको रूपमा लिएका छन् । नेपाली सोच, लगानी र प्राविधिकले निर्माण गरेको ५० मिनेट लामो सो वृत्तचित्रमा नेपाली पर्वतारोहीको अदम्य साहस, जलवायु परिवर्तनले हिमालय क्षेत्रमा पुर्याएको असर र नेपालमा पर्वतारोहणको अवस्थालाई सजीव ढङ्गबाट प्रस्तुत गरिएको छ । सगरमाथा हिमाल १८ पटक आरोहण गर्नुभएका फुर्वा तेन्जिङ शेर्पा र १० पटक सगरमाथासहित आठ हजार मिटरभन्दा माथिका १४ वटै हिमालको आरोहण गर्नुभएका निमाग्याल्जेन शेर्पाको सहयोगम...

नेपाल । नेपाली प्रजातान्त्रिक आन्दोलनका शिखर व्यक्तित्व लौहपुरुष गणेशमान सिंहको जीवन, सङ्घर्ष, त्याग र निष्ठामा आधारित ऐतिहासिक नाटक ‘वीर गणेशमान’ यही भदौ १४ गतेदेखि काठमाडौँको कालिकास्थानस्थित सर्वनाम थिएटरमा मञ्चन हुने भएको छ । गणेशमान फाउन्डेसनको आयोजना तथा नेपालको अग्रणी रङ्गमञ्च समूह सर्वनामको प्रस्तुति रहेको यस नाटक आगामी असोज १४ गतेसम्म मञ्चन हुनेछ । यो ऐतिहासिक नाटकको परिकल्पना, नाट्य रूपान्तरण तथा निर्देशन वरिष्ठ रङ्गकर्मी अशेष मल्लले गर्नुभएको हो । निर्देशक मल्लका अनुसार ‘वीर गणेशमान’ कुनै ऐतिहासिक व्यक्तित्वको जीवनीमा आधारित नाटक मात्र नभई इमानदारी र देशप्रतिको समर्पणको कथा पनि हो । आफ्नो पाँच दशक लामो नाट्य यात्रामा यस्तो यथार्थपरक नाटक पहिलो पटक गर्न लागेको बताउँदै उहाँले भन्नुभयो, “बिम्ब र प्रतिकसँग खेल्ने मेरो नियमित अभ्यासभन्दा यो प्रस्तुति फरक छ । एउटा निष्ठावान् र सच्चर...

नेपाल । काठमाडौंको जमलस्थित राष्ट्रिय नाचघरमा शनिबार सम्पन्न ‘मिस एन्ड मिसेस ब्युटिफुल नेपाल’ प्रतियोगितामा रिता तामाङले ‘मिसेस नेपाल’ को उपाधि जित्नुभएको छ । उहाँले मुख्य उपाधिसँगै मिसेस फोटोजेनिक, मिसेस ट्यालेन्ट र मिसेस बेस्ट वाकको उपाधिसमेत हात पार्नुभयो । पेशाले ब्युटिसियन रहनुभएकी रिता तामाङ काठमाडौंमा आफ्नै ब्युटीपार्लरसमेत सञ्चालन गर्दैआएकी छन्। सौन्दर्य क्षेत्रमा सक्रिय तामाङले आफ्नो व्यावसायिक अनुभवसँगै आत्मविश्वास र प्रतिभालाई प्रतियोगिताको मञ्चमा प्रस्तुत गर्दै चारवटा विधामा उपाधि जितेकी हुन् । राष्ट्रियसभा उपाध्यक्ष लिलाकुमारी भण्डारीको प्रमुख आतिथ्यतामा सम्पन्न प्रतियोगितामा वरिष्ठ अभिनेता शिव श्रेष्ठ, वरिष्ठ नायिका तृप्ती नाडकर तथा वरिष्ठ गायक आनन्द कार्कीको आतिथ्यता रहेको थियो। प्रतियोगिता दक्ष इन्टरनेशनल प्रालिको आयोजनामा सम्पन्न भएको हो। उपाधि जितेपछि तामाङले आफू अत्यन...

नेपाल । फिल्म ‘बाः एक योद्धा’ को ट्रेलर सार्वजनिक गरिएको छ। आफ्नो सन्तानको सुख र खुसीका लागि बुवा जस्तो सुकै त्याग, संघर्ष र बलिदानी दिन तयार हुन्छ भन्ने बिषय ट्रेलरले देखाएको छ । आफ्ना सन्तानका लागि बलिदान दिन तयार हुने बाबुआमा तर त्यसको गुन भुल्ने समाज निर्माण हुँदै गएको समेत ट्रेलरले बुझाउन खोजेको छ । ‘बाः एक योद्धा’ भदौ १९ गतेदेखि प्रदर्शनमा आउदैछ । फिल्ममा दिव्यदेव, झरना थापा, सुहाना थापा, माओत्से गुरुङ, अनिल बुढाथोकी, सागर खनाल, शिशिर सिवाकोटी, सुप्रज्ञा शर्मा र शवि थापा मुख्य भूमिकामा छन्। फिल्मको निर्देशक हरि लम्साल हुन्। नेपाली संगीत क्षेत्रमा दर्जनौँ कालजयी गीत दिएका संगीतकार हरि लम्साल रचनाकार र गायक पनि हुन् । फिचर फिल्ममा भने ‘बाः एक योद्धा’ उनको पहिलो निर्देशन हो । आर्टिस्टिक इन्टरटेनमेन्टको ब्यानरमा निर्माण भएको यो फिल्मको कथासँगै पटकथा पनि लम्साल आफैँले लेखेका छन् । फिल्...

नेपाल । ओस्कार अवार्डमा ‘अन्तर्राष्ट्रिय फिचर चलचित्र’ विधामा प्रतिस्पर्धा गर्न नेपाली चलचित्रलाई आवेदन दिन आह्वान गरिएको छ । नेपाल इन्टरनेसनल फिचर चलचित्र छनोट समिति–२०२६ ले ९९ औँ एकेडेमी अवार्ड (ओस्कार) का लागि मापदण्ड पूरा गरेका नेपाली चलचित्रलाई भदौ २२ गतेभित्र आवेदन दिन आह्वान गरेको हो । ओस्कारको प्रतिस्पर्धाका लागि चलचित्रले नेपाल सरकारको केन्द्रीय चलचित्र जाँच समितिबाट प्रमाणीकरण पाएको हुनुपर्ने छ । यसै गरी २०८२ असोज १५ देखि २०८३ असोज १४ गतेसम्म नेपालका व्यावसायिक सिनेमाघरमा प्रदर्शन भएको र लगातार कम्तीमा सात दिन प्रदर्शन भएको हुनुपर्ने नियम रहेको छ । टेलिभिजन, भिओडी, डिभिडी, इन्टरनेट स्ट्रिमिङ वा एयरलाइन इन्टरटेनमेन्टमार्फत पहिलो पटक रिलिज भएका चलचित्र छनोटका लागि योग्य हुने छैनन् । चलचित्रका निर्देशक, लेखक वा निर्मातामध्ये कम्तीमा एक जना नेपाली नागरिक हुनुपर्ने छ । यसैगरी चलचि...

नेपाल । चलचित्र ककाकिकीको ‘धन चोरे पुलिसको थुनामा मन चोरे दिलको कुनामा...’ बोलको शीर्ष गीत बुधबार सार्वजनिक गरिएको छ । भदौ १९ गतेदेखि नेपालभर प्रदर्शनमा आउने चलचित्रको गीतमा अर्जुन सापकोटा र मेलिना राईको स्वर रहेको छ । सापकोटाकै सङ्गीत रहेको गीतमा सन्तोष सापकोटाको शब्द रहेको छ । यस गीतले गाउँघरको उत्सव, रमाइलो र सामूहिक खुसियालीको माहोललाई प्रस्तुत गरेको छ । चलचित्रका निर्देशक बिक्की अग्रवालका अनुसार गीतले ग्रामीण परिवेश र उत्सवमय वातावरणलाई प्रतिनिधित्व गरेको छ । ‘ककाकिकी’ मा दिया मास्के, शिशिर बाङ्देल, सुवास गजुरेल, रेअर राई, पवन खतिवडा, माओत्से गुरुङ, मनोज गजुरेल, मुकुन्द मैनाली, रामबाबु रेग्मी, सिडी विजय अधिकारी, सरोज भण्डारी, सिर्जना श्रेष्ठ, विश्वास तिमल्सिना, एलिसा भोग, सुवर्ण थापा र कमल देवकोटालगायतका कलाकारको अभिनय रहेको छ । सुदीप बरालको छायाङ्कन रहेको चलचित्रको चलचित्रको निर्म...