अर्थतन्त्र

नेपाल । जेनजी आन्दोलनको प्रभावका कारण पर्यटकीय गतिविधिमा कमी आएको छ । पर्यटकीय यामको मुखमा भएको परिवर्तनकारी आन्दोलनका कारण पर्यटकको आगमनमा असर परेपछि तत्काल उड्डयन र होटेल क्षेत्रमा प्रभाव देखिएको हो । पर्यटकीय गतिविधि न्यून भएपछि हङकङको क्याथे प्यासिफिक एयरवेजले नेपाल उडान रोकेको छ । नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलले भन्नुभयो, “हङकङ–नेपाल रुटमा उडान गर्दै आएको क्याथे प्यासेफिकले अजोज १४ सम्मलाई उडान रोकेको छ । यो कम्पनीले २८० सिट क्षमताको वाइडबडी जहाजमार्फत दैनिक काठमाडौँमा उडान गर्दै आएको थियो ।” हाल हङकङमा नेपाल वायुसेवा निगमले सातामा चार दिन उडान गर्दै आएको छ । क्याथेको उडानमार्फत यात्रु हङकङ हुँदै अमेरिका, क्यानडा, युरोप, अस्ट्रेलिया, जापानलगायत गन्तव्यमा जाने गरेका थिए । होटेल संघ नेपालका अध्यक्ष विनायक शाहले पछिल्ला राजनीतिक घटनाक्रमको असरले होटेल ...

नेपाल । नेपाली बजारमा सुनको मूल्य १९ सयले बढेर नयाँ रेकर्ड बनेको छ । नेपाल सुनचाँदी व्यवसायी महासंघका मंगलबार सुनको मूल्य १९ सयले बढेर तोलाको २ लाख १७ हजार १ सय रुपैयाँमा कारोबार भएको थियो । त्यस्तै चाँदीको मूल्य पनि बढेको छ । चाँदी तोलामा २० रुपैयाँले बढेर २५ सय ९५ रुपैयाँमा कारोबार भएको थियो ।

नेपाल । चालु आर्थिक वर्षको साउन महिनामा पौने २ खर्ब रुपैयाँ बराबरको रेमिट्यान्स भित्रिएको छ । राष्ट्र बैंकले सार्वजनिक गरेको वर्तमान आर्थिक स्थिति अनुसार चालु आवको साउन महिनामा वैदेशिक रोजगारीमा गएकाहरुले १ खर्ब ७७ अर्ब ४१ करोड रुपैयाँ रेमिट्यान्स नेपाल पठाएका हुन् । यो रकम गत आर्थिक वर्षको साउन महिनाको तुलनामा २९.९ प्रतिशत धेरै हो । गत आवको साउनमा १ खर्ब ३६ अर्ब ६० करोड रुपैयाँ रेमिटेन्स भित्रिएको थियो । समीक्षा अवधिमा अमेरिकी डलरमा विप्रेषण आप्रवाह २५.० प्रतिशतले वृद्धि भई १ अर्ब २७ करोड पुगेको छ । अघिल्लो वर्ष यस्तो आप्रवाह १५.८ प्रतिशतले बढेको थियो । समीक्षा अवधिमा खुद द्वितीय आय (खुद ट्रान्सफर) १९३ अर्ब ८५ करोड पुगेको छ । अघिल्लो वर्षको सोही अवधिमा यस्तो आय रु।१४८ अर्ब ८ करोड रहेको थियो । समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने...

नेपाल । नवनियुक्त अर्थमन्त्री डा. रामेश्वर खनालले राजनीतिक दबाबमा बजेटमा परेका, तयारी नभएका र टुक्रे आयोजना कटौती गर्ने हो भने करिब एक खर्ब स्रोत जुटाउन सकिने बताउनुभएको छ । सोमबार मन्त्रालयमा पदभार ग्रहणपछि कर्मचारीहरूलाई निर्देशन दिँदै उहाँले छ महिनाभित्र निर्वाचन गर्नुपर्ने अवस्था, पुनःनिर्माणलगायतका कामका लागि बजेटमा परेका आयोजना फिल्टर तथा कार्यक्रम कटौती गरी स्रोत जुटाइने बताउनुभयो । उहाँले बजेटमा भएका कार्यक्रम कटौतीका लागि बजेट महाशाखा प्रमुखको संयोजकत्वमा तीन सदस्यीय कार्यदल समेत गठन गर्नुभएको छ । उक्त कार्यदलले बजेटका आयोजनालाई फिल्टर गरी प्राथमिकिकरण गर्ने छ । उहाँले जेनजी प्रदर्शनका कारण सिंहदरबारमा ठुलो क्षति पुगेको उल्लेख गर्दै चाँडो भग्नावशेष हटाइ भित्तामा रङरोगन गरिने बताउनुभयो ।...

नेपाल । । नेपाल आयल निगमले नयाँ दिल्लीस्थित इन्डियन आयल कर्पोरेसनबाट प्राप्त मूल्यसूचीअनुसार पेट्रोलियम पदार्थको मूल्य समायोजन गरेको छ । नयाँ मूल्य भदौ ३१ गतेदेखि लागू हुने निगमले जनाएको छ । इन्डियन आयल कर्पोरेसनले पठाएको भाडा मूल्यअनुसार पेट्रोलमा प्रतिलिटर रु. २.५२ ले कमी भए पनि डिजेल र मट्टितेलमा प्रतिलिटर रु. २.१५ ले वृद्धि भएको निगमले स्पष्ट पारेको छ । विज्ञप्तिमा भनिएको छ, ‘‘आसन्न चाडपर्वको अवसर एवम् मुलुकको हालको विशेष परिस्थितिमा पेट्रोलियम पदार्थ तथा ग्याँसको मूल्यमा वृद्धि गर्दा आम उपभोक्ता वर्गमा पर्न जाने मूल्य वृद्धिको चापलाई कम गर्न र मूल्य स्थिरता कायम गरी मुलुकभर पेट्रोलियम पदार्थको सहज आपूर्ति गर्न साबिकको खुद्रा बिक्री मूल्यलाई नै यथावत कायम गरिएको छ ।’’ ...

नेपाल । जेनजी आन्दोलन हिंसात्मक बनेसँगै चार दिनदेखि ठप्प भएको सार्वजनिक यातायात क्षेत्र बिस्तारै लयमा फर्किएको छ । शनिबार काठमाडौँ उपत्यकाबाट बस र माइक्रोबस बढी मात्रामा बाहिरिएको नागढुङ्गास्थित प्रहरी चेक पोस्टले जानकारी दिएको छ । गोङ्गबु नयाँ बसपार्कबाट दिवा र रात्रिबस छुटिरहेका छन् । व्यवसायीले स्थानीय सरकारसँगको समन्वयमा सार्वजनिक यातायात सञ्चालन गरेको नेपाल यातायात व्यवसायी राष्ट्रिय महासंघले जनाएको छ । राजमार्गमा रहेका स्थानीय सरकारसँग समन्वय गरेर यातायात चालु गरिएको महासंघका वरिष्ठ उपाध्यक्ष सरोज सिटौलाले जानकारी दिनुभयो । व्यवसायीले भौतिक पूर्वाधार तथा यातायात मन्त्रालय र यातायात व्यवस्था विभागसँग अनौपचारिक छलफल गरिरहेका छन् । एक सातापछि दसैँ सुरु हुने भएकाले पनि सार्वजनिक यातायात सञ्चालनमा सरकारले ध्यान दिनुपर्ने सिटौलाको भनाइ छ ।...

नेपाल । जेनजी प्रदर्शनपछिको सरकारी खर्च व्यवस्थापनलाई ध्यानमा राखी अर्थ मन्त्रालयले सरकारको भुक्तानी प्रणाली बन्द गरेको छ । सरकारी खर्च व्यवस्थापनको जिम्मेवारी पाएको महालेखा नियन्त्रक कार्यालयले बिहीबारदेखि सरकारका तर्फबाट हुने खर्च बन्द गरेको हो । विकसित परिस्थितिलाई ध्यानमा राख्दै भविष्यमा खर्च अभाव हुन नदिन तत्कालका लागि भुक्तानी प्रणाली बन्द गरिएको महालेखा नियन्त्रक शोभाकान्त पौडेलले जानकारी दिनुभयो । प्रदर्शनका क्रममा भएको तोडफोड र आगजनीका कारण सरकारलाई अतिरिक्त खर्च गर्नुपर्ने अवस्थामा त्यसलाई व्यवस्थापन गर्न पनि खर्चमा रोक लगाएको कार्यालयले जनाएको छ । नयाँ सरकार बनेको अवस्थामा फेरिन सक्ने प्राथमिकता र खर्चका क्षेत्रलाई पनि सम्बोधन गर्न कार्यालयले भुक्तानीमा नियन्त्रण गरेको हो । भुक्तानी प्रणाली बन्द भए पनि सरकारले आफ्ना कर्मचारीका लागि नियमित रूपमा पठाउनुपर्ने मासिक तलबमा भने कु...

नेपाल । जेन जी प्रदर्शनका कारण भदौ २३ देखि २५ गतेसम्म बन्द रहेका बैंक तथा वित्तीय संस्था बिहीबारदेखि सञ्चालनमा आएका छन् । प्रदर्शनपछि तोडफोड र आगजनीका घटना बढेपछि बैंक तथा वित्तीय संस्थाले कार्यालय खोलेर कारोबार गरेका थिएनन् । यद्यपि उक्त अवधिमा डिजिटल कारोबार भने यथावत् नै थियो । बिहीबार बिहान नेपाली सेनाले बैंक तथा वित्तीय संस्थासहितका कार्यालयसम्म परिचयपत्र देखाएर आवतजावत गर्न सक्ने सूचना सार्वजनिक गरेपछि यी संस्थाले सीमित रूपमा कार्यालय खोलेर कारोबार सञ्चालन गरेका हुन् । सेनाको उक्त सूचनापछि नियामक नेपाल राष्ट्र बैंकले पनि व्यावसायिक निरन्तरतालाई ध्यानमा राख्दै सीमित कर्मचारीबाट आफ्ना संवेदनशील प्रणाली सञ्चालन गर्न निर्देशन दिएको थियो । जस अनुसार अत्यावश्यक बैंकिङ तथा डिजिटल भुक्तानीसम्बन्धी सेवा सुचारु गर्न र अन्य प्रणालीको हकमा जोखिमका आधारमा घरबाटै पहुँच (रिमोट एक्सेस) मार्फत सञ्...

नेपाल । बुधबार र बिहीबार नेपालमा शेयर कारोबार नहुने भएको छ । नेपाल स्टक एक्सचेन्ज (नेप्से) ले सूचना जारी गरेर यस्तो जानकारी दिएको हो । “हालको विषम परिस्थिति एवं कारोबार सदस्य तथा लगानीकर्ताबाट कारोबार स्थगन गर्न अनुरोध भएकाले सूचीकरण तथा कारोबार नियमावली २०७५ को नियम २१ ९१० अनुसार २०८२ भदौ २५ र २६ गते सम्पूर्ण धितोपत्र कारोबार स्थगन गरिएको छ”, नेप्सेले बुधबार सार्वजनिक गरेको सूचनामा भनेको छ । मंगलबार पनि कारोबार बन्द गरिएको थियो ।...

नेपाल । नेपाल आर्थिक पत्रकार समाज (सेजन) को अध्यक्षमा सेतोपाटी डटकमका भागवत भट्टराई निर्वाचित भएका छन् । सेजनको २७औँ साधारणसभा तथा अधिवेशनबाट भट्टराई ११० मतसहित निर्वाचित भएका हुन् । उनका प्रतिस्पर्धी विश्वास रेग्मीले ९२ र आशा थपलियाले ४१ मत प्राप्त गरेका थिए । समितिको उपाध्यक्षमा कारोबार दैनिकका जीवन बस्नेत निर्विरोध निर्वाचित भएका थिए । नयाँ कार्यसमितिको महासचिवमा राष्ट्रिय समाचार समिति (रासस) का उपसम्पादक कमलकुमार बस्नेत १३९ मतसहित निर्वाचित भएका छन्। उनका प्रतिस्पर्धी अनलाइनखबर डटकमका अच्युत पुरीले १०४ मत प्राप्त गरे । यसैगरी, कोषाध्यक्षमा उकालो डटकमका केशु लामिछाने १३३ मतसहित निर्वाचित भएका छन्। उनका प्रतिस्पर्धी अन्नपूर्ण दैनिकका आशा थापाले १०८ मत प्राप्त गरेका थिए । समितिको सचिवमा हिमालयन टेलिभिजनका शङ्कर पण्डित निर्विरोध निर्वाचित भएका छन् । समिति सदस्यमा अर्जुन तामाङ (टुरिजम प...