कोलोराडोखबर संवाददाता
नेपाल । नेकपा (माओवादी केन्द्र)ले असोजको पहिलो हप्ता केन्द्रीय कमिटीको बैठक बोलाउने निर्णय गरेको छ ।
बिहीवार पार्टी केन्द्रीय कार्यालय पेरिसडाँडामा बसेको स्थायी कमिटीको बैठकले असोजको पहिलो हप्ता केन्द्रीय कमिटी बैठक बोलाउने निर्णय गरेको हो । केन्द्रीय कमिटी बैठकपूर्व सबै प्रदेशमा जनवर्गीय संगठन मोर्चा, सल्लाहकार समिति र आयोगहरूको परामर्श समिति बैठक बस्ने छ ।
प्रदेशका बैठकहरूमा अध्यक्षदेखि उपमहासचिवसम्मका पदाधिकारीहरू उपस्थित हुने छ ।
साथै बैठकले सदन, सडक र माओवादी केन्द्रको नेतृत्व रहेको १२२ स्थानीय तहमा पार्टीको भूमिकालाई प्रभावकारी बनाउने निर्णय गरेको छ ।
प्रतिक्रिया दिनुहोस्