नेपालद्वारा ओमान ११३ रनले पराजीत

नेपाल । नेपालले मङ्गलबार आइसिसी एकदिवसीय क्रिकेट विश्वकप लिग-२ मा घरेलु टिम ओमानलाई ११३ रनले सजिलै हराएको छ ।

ओमानको अल अमिरात क्रिकेट मैदानमा टस जितेर पहिले ब्याटिङ गरेको नेपालले निर्धारित ५० ओभरमा आठ विकेटको क्षतिमा २६३ रन बनाएको थियो । ओमान जवाफमा ४० ओभरमा १५० रनमै सीमित भयो ।

नेपालका लागि पुनः रोहित पौडेल छाउनुभयो । दुई दिनअघि क्यानाडावरुद्धको जितमा कीर्तिमान शतक बनाउने रोहितले ६७ बलमा तीन चौका र एक छक्कासहित सर्वाधक ६१ रन बनाउनुभयो ।

यसैगरी प्रारम्भिक ब्याट्सम्यान अर्जुन कुमालले ५९ बलमा चार चौकासहित ४० रनको पालि खेल्नुभयो । अर्का प्रारम्भिक ब्याट्समयान आसिफ शेख भने लगातार दोस्रो खेलमा ब्याटबाट असफल हुनुभयो । उहाँ चार रनमा शाह फैजलको बलिङमा बाउन्ड्री नजिक जय ओडेड्राद्वारा क्याच आउट हुनुभयो ।

आसिफ आउट भएपछि अर्जुन र इशान पाण्डेले दोस्रो विकेटका लागि ६४ रनको साझेदारी गरी नेपालको पालि सम्हाल्नुभएको थियो । इशानले ३७ रनको योगदान दिनुभयो । त्यसपछि बसिर अहमद पनि ३७ रनमा आउट हुनुभयो । दिपेन्द्र सिंहले २२ र सन्दीप जोराले १० रन बनाउनुभयो ।

नेपालका लागि रोहितपछि करण केसीको पालिको उल्लेखनीय रह्यो । आठौँ क्रमका क्रिजमा आउनुभएका करणले १६ बलमा ४० रन बनाएपछि नेपालको पालिको अन्त्य सुखद तरिकाले गरेको थियो । करणको पालिमा एक चौका र चार छक्का सामेल थियो ।

उहाँले हसनैन शाहले फालेको ४९ औँ ओभरमा लगातार तीन छक्का प्रहार गर्नुभएको थियो । करण अन्तिम बलमा रनआउट हुनुभयो ।

त्यसपछि करणले ओमानको पालिमा पहिलो ओभरमै प्रारम्भिक ब्याट्सम्यान हसनैन उल वहाबलाई शुन्यमा बोल्ड गरेर नेपाललाई खेलको दोस्रो भागमा पनि शानदार सुरुआत दिलाउनुभएको थियो । ओमानले जवाफमा ४१ रनमै छ विकेट गुमाइसकेको थियो ।

ओमानका लागि कप्तान विनायक शुक्लाले ८३ बलमा छ चौका र एक छक्कासहित ७७ रन बनाउनुभयो । दिपेन्द्रले ओडेड्रा २५ रन योगदान दिनुभयो । सो पालिमा सन्दीप र नन्दनले तीनरतीन, दिपेन्द्रले दुई तथा करण र ललितले एकरएक विकेट लिनुभयो ।