कोलोराडोखबर संवाददाता
नेपाल । गैरआवासीय नेपाली संघ (एनआरएनए) ले ‘बृहत् एकताको’ विषयबारे जानकारी दिन आइतबार पत्रकार सम्मेलन आयोजना गर्ने भएको छ ।
संघले उक्त कार्यक्रममा गरिमामय उपस्थिति जनाइदिन सबै सञ्चारकर्मीहरूलाई हार्दिक निमन्त्रणा गरेको छ ।
पत्रकार सम्मेलन एनआरएनए सचिवालय, बालुवाटारमा दिउँसो २ बजेबाट सुरु हुनेछ । संघका अनुसार कार्यक्रममा संगठनका हालका गतिविधि, आगामी योजनाहरू तथा एकता सुदृढीकरणसम्बन्धी विषयमा विस्तृत जानकारी प्रस्तुत गरिनेछ।
आइतबारनै प्रधानमन्त्री सुशिला कार्कीको उपस्थितिमा गैरआवासीय नेपाली संघका विभिन्न पक्षहरूसँग एकता गर्दै संगठनलाई मजबुत बनाउने कार्यक्रम तय भएको छ ।
पत्रकार सम्मेलन निमन्त्रणा सूचना
गैरआवासीय नेपाली संघ (एनआरएनए)
गैरआवासीय नेपाली संघ (एनआरएनए) ले हालै ‘बृहत् एकता’ सम्बन्धी प्रस्ताव अनुमोदन भएसँगै विकसित नयाँ परिस्थितिका विषयमा आधिकारिक जानकारी गराउने उद्देश्यले एक विशेष पत्रकार सम्मेलन आयोजना गर्न लागेको जानकारी गराउँदछ। यस निर्णयसँगै लामो समयदेखि कायम रहँदै आएको अन्यौलसमेत अन्त्य भएको छ।
उक्त निर्णयको आधिकारिक हस्ताक्षर समारोह आज बिहान १०:३० बजे सम्माननीय प्रधानमन्त्री सुशीला कार्की ज्यूको उपस्थितिमा सम्पन्न हुने जानकारीसमेत गराइन्छ।
यस पत्रकार सम्मेलनमार्फत संघका:
• हालका गतिविधिहरू
• आगामी योजना तथा कार्यक्रमहरू
• संगठनात्मक एकता सुदृढीकरणसम्बन्धी विषयमा
विस्तृत जानकारी प्रस्तुत गरिनेछ।
पत्रकार सम्मेलन विवरण:
• समय: दिउँसो २:०० बजेदेखि
• स्थान: एनआरएनए सचिवालय, बालुवाटार, काठमाडौँ
गैरआवासीय नेपाली संघले सञ्चारकर्मीहरूको सक्रिय सहभागिताले संस्थालाई अझ सशक्त बनाउने विश्वास व्यक्त गर्दछ। अतः सम्पूर्ण सञ्चारकर्मी मित्रहरूलाई उक्त कार्यक्रममा हार्दिक रूपमा उपस्थितिका लागि सादर आमन्त्रण गर्दछौँ।
⸻
सोम सापकोटा
उप–महासचिव, एनआरएनए
सदस्य, बृहत् एकता वार्ता समिति
प्रतिक्रिया दिनुहोस्