अन्तराष्ट्रिय/प्रवास

अमेरिका । जातीय विभेद विरुद्ध विश्व मञ्च (ग्लोबल फोरम) को आयोजनामा मार्च २२, २०२५ का दिन भर्चुअल माध्यमबाट ६०औं अन्तर्राष्ट्रिय जातीय भेदभाव उन्मुलन दिवस तथा काउन्सिल मिटिङ सम्पन्न भएको छ । संस्थाका अध्यक्ष पदम विश्वकर्माको सभापतित्वमा सम्पन्न उक्त कार्यक्रममा प्रमुख अतिथिको रूपमा एनआरएन आइसीसीका अध्यक्ष डा. बद्री के.सी., विशेष अतिथि एनआरएन अमेरिकाका अध्यक्ष डा. अर्जुन बन्जाडे, ग्लोवल फोरमका सल्लाहकारहरू डा. मानबहादुर बिके, डा. द्रोण रसाली, डा. बिष्णुमाया परियार, डा. निर्मल विश्वकर्मा, आइसीडिआरका अध्यक्ष डिवी सागर, डिएनफका पूर्व अध्यक्ष भक्त विश्वकर्माले मार्च २१ को सन्दर्भ, वर्तमान अवस्था र कार्यक्रम सफलताको शुभकामना व्यक्त गरेका थिए । प्रमुख अतिथि के.सी. र विशेष अतिथि बन्जाडेले दलित समुदायको हकहितका निम्ति आवश्यक पहल गर्ने, दलित समुदायका सदस्यहरूलाई आवश्यकरूपमा समावेश गर्दै जानेमा जोड ...

अमेरिका । अष्ट्रेलियाको राजधानी क्यानबेरामा आयोजित ‘नेपाल महोत्सव–२०२५’ सफलताका साथ सम्पन्न भएको छ । नेपाली कला संस्कृति, नेपाली पहिरन, खानाको परिकार र पर्यटन प्रवर्द्धन गर्ने उद्देश्य राखी क्यानबेरामा आयोजित महोत्सवले राजधानी नेपालमय बनेको थियो । कमनवेल्थ पार्कमा आयोजित महोत्सवअन्तर्गत क्यान्बेराको सिभिकको गरिमा प्लेसबाट बिहान साढे दश बजेदेखि सुरु भएको प्रभातफेरी नगर परिक्रमा गरी कमन्वेल्थ पार्कको स्टेज ८८ मा पुगेर टुङ्गिएको थियो । पञ्चेबाजासहित निस्किएको प्रभातफेरीमा लाखे नाच र कुमारी नाच प्रस्तुत गरिएको थियो । सो अवसरमा अष्ट्रेलियाका लागि नेपाली राजदूत चित्रलेखा यादवलगायत अष्ट्रेलियामा रहेका विभिन्न नेपाली सङ्घसंस्था, स्थानीय अष्ट्रेलियालीहरूको समेत उल्लेखनीय उपस्थिति रहेको थियो । त्यसैगरी राजदूत यादवको प्रमुख आतिथ्यमा भएको औपचारिक कार्यक्रममा अष्ट्रेलियाली सरकारका अर्थमन्त्री केटी गा...

नेपाल ।अमेरिकाको सरकारले एमसीसी नेपाल कम्प्याक्ट सम्झौता अन्तर्गतका केही कार्यक्रम अघि बढाउन अनुमति दिएको छ । तर उक्त अनुमतिले ट्रम्प प्रशासनले नेपालले अमेरिकाबाट कम्प्याक्ट अन्तर्गत पाएको अनुदानको समीक्षाबाट ‘निस्कने कुनै निश्चित परिणामप्रति सङ्केत नगर्ने’ एमसीए नेपालले आफ्नो वेबसाइटमा जनाएको छ। फेब्रुअरीमा अमेरिकी सरकारले एमसीसी अन्तर्गत नेपालले पाएको अनुदान अन्तर्गतका भुक्तानी समीक्षाका लागि ९० दिनका स्थगित गरिएको जानकारी नेपाल सरकारलाई दिएको थियो । –बीबीसीबाट ।...

अमेरिका । अमेरिकाका लागि नेपालका नवनियुक्त राजदूत लोकदर्शन रेग्मीले शुक्रबारदेखि कार्यभार सम्हालेका छन् । राजदूत नियुक्त भएको चार साढे ४ महिनापछि मात्रै अमेरिकाको राजधानी वासिङ्टन डिसीस्थित नेपाली राजदूतावासको कार्यालय पुगेर उनले आफ्नो कार्यभार सम्हालेका हुन् । उनलाई नेपाल सरकारको मन्त्रिपरिषद्ले श्रावण १४, २०८१ मा अमेरिकाको राजदूतका लागि सिफारिस गरेको थियो  भने उक्त सिफारिसलाई संसदीय सुनुवाइ समितिले भदौ २७, २०८१ मा अनुमोदन गरेको थियो । राष्ट्रपति रामचन्द्र पौडेलले कात्तिक २५, २०८१ मा उनलाई राजदूत नियुक्त गरेका थिए ।...

अमेरिका । गैरआवासीय नेपाली संघको १०औँ एसिया (प्रशान्त क्षेत्रीय सम्मेलन) 'संगम' २०२५ मार्च १८ देखि १९ सम्म कम्बोडियाको राजधानी नोम पेन्हमा “संगम–एकता” भन्ने नाराका साथ भव्य रूपमा सम्पन्न भयो । नेपाल सरकारका संस्कृति, पर्यटन तथा नागरिक उड्डयन मन्त्री बद्री प्रसाद पाण्डेको प्रमुख आतिथ्यता र कम्बोडियाका परराष्ट्र राज्य मन्त्री डा यून केहाङ, पूर्व कानून, न्याय तथा संसदीय मामिला मन्त्री पदम गिरि, पूर्व मन्त्री एकनाथ ढकाल, लगायत राष्ट्रिय तथा अन्तर्राष्ट्रिय समन्वय परिषद्का पदाधिकारी सहितको उपस्थितिमा सम्मेलन सम्पन्न भयो । सम्मेलनमा ३० देशका तीन सय भन्दा बढी प्रतिनिधिहरूको भौतिक तथा भर्चुअल सहभागिता रहेको थियो। सम्मेलनमा विभिन्न महत्त्वपूर्ण मुद्दामा छलफल गरियो। विशेषतः सम्मेलनले नीति सुधार र संसदीय योगदानका माध्यमबाट एनआरएनए–पीएनओका समस्याहरू समाधान गर्दै नेपालको आप्रवासी समुदायको संलग्नता बढ...

अमेरिका । इजरेली लडाकु विमानहरूले गाजाका विभिन्न भागमा जनवरीमा युद्धविराम सुरु भएयताकै ठूलो हवाई आक्रमण गरेका छन् । गाजामा हमासले सञ्चालन गरेको स्वास्थ्य मन्त्रालयका अनुसार इजरेली हमलामा परेर ४०० जनाभन्दा बढी मानिसको मृत्यु भएको र सयौँ जना घाइते भएका छन् । इजरेलले हमासका सुरक्षा अधिकारी र राजनीतिक व्यक्तिहरूलाई पनि निसाना बनाएको थियो । हमासले ज्यान गुमाउनेमध्ये उक्त भूभागमा कार्यरत आफ्ना एक वरिष्ठ सुरक्षा अधिकारी मोहम्मद अबु वफासहित चार जना रहेको बताएको छ । एउटा विज्ञप्तिमा इजरेलले हमासले पहिलो चरणको युद्धविराम लम्ब्याउने प्रस्ताव अस्वीकार गरेकाले आफूले उक्त समूहका निसानाहरूमा आक्रमण गरिरहेको बताएको छ । उक्त प्यालेस्टिनी समूहले सोझै दोस्रो चरणको युद्धविराममा जानुपर्ने धारणा राख्दै आएको थियो। हमासलाई दबाव दिन इजरेलले गाजामा मानवीय सहायता र विद्युत् आपूर्ति कटौती गरिएको छ । –बीबीसीबाट...

अमेरिका । नेपाल अमेरिका पत्रकार संघ (नेजा) को आयोजनामा आईतवार टेक्सस राज्यको युलेसमा ‘पत्रकार आचारसंहिता, विश्वव्यापी अभ्यास र नेपाली मिडियामा प्रयोग’ विषयक अन्तरक्रिया कार्यक्रम सम्पन्न भएको छ । उक्त कार्यक्रममा प्रेस काउन्सिल नेपालका अध्यक्ष बालकृष्ण बस्नेतले सामाजिक संजालको दुरुपयोग रोक्न प्रेस काउन्सिल नेपालले राज्यका निकायहरुसग समन्वय गरेर काम गरिरहेको बताए । अध्यक्ष बस्नेतले पछिल्लो समय सामाजिक सञ्जाल दुरुपयोग गरी भ्रमपूर्ण, अफवाहपूर्ण, गालीगलौजपूर्ण सामग्री सम्प्रेषण भइरहेको प्रति चिन्ता व्यक्त गर्दै यसले संचारमाध्यमप्रतिको बुझाईमा समेत नकारात्मक असर गरिरहेकाले सामाजिक संजालको दुरुपयोग रोक्नु आवश्यक रहेको जनाए । कार्यक्रममा कार्यपत्र पेश गर्दै पत्रकार विनय गुरागाईंले वर्तमान अवस्थामा नेपाली पत्रकारितामा केही नयाँ आयामहरु थपिएको बताउँदै नेपालका मिडिया हाउसहरुले समेत प्रविधिको प्रय...

अमेरिका । गैरआवासीय नेपाली संघ (एनआरएनए) को आयोजनामा १०औं एसिया–प्यासिफिक क्षेत्रीय सम्मेलन कम्बोडियामा मंगलबारबाट सुरु भएको छ । 'संगम–एकता' नाराका साथ आयोजना गरिएको यो सम्मेलनले गैरआवासीय नेपालीहरूबीच एकता, सहकार्य, र समृद्धिका विषयमा छलफल गर्ने महत्वपूर्ण अवसर प्रदान गर्ने अपेक्षा गरिएको छ । दुई दिवसीय सम्मेलनमा एसिया–प्यासिफिक क्षेत्रका ११ वटै राष्ट्रिय समन्वय परिषद् (एनसीसी) का प्रतिनिधिहरू, विभिन्न क्षेत्रका विज्ञहरू, संघका पदाधिकारीहरू तथा नेपाली समुदायका अगुवा लगायत ३०० बढी सहभागी भएका छन् । सम्मेलनमा गैरआवासीय नेपालीका हकअधिकार, नेपालमा लगानी, सामाजिक तथा सांस्कृतिक समृद्धि, महिला, युवा तथा दोस्रो पुस्ताका नेपालीहरूको भूमिकाजस्ता महत्वपूर्ण विषयमा छलफल गरिनेछ । सम्मेलन उद्घाटन गर्दै संस्कृति पर्यटन तथा नागरिक उड्डयन मन्त्री बद्रीप्रसाद पाण्डे दिगो एकताका लागि एनआरएनएको नेतृत्वल...

अमेरिका । गैरआवासीय नेपाली संघका अध्यक्ष डा. बद्री केसीले उच्चस्तरीय समितिले नै महाधिवेशन गर्नुपर्ने हो भने पनि त्यसलाई अक्टोबरमै गर्न सकिने वैधानिक व्यवस्था रहेको बताउनुभएको छ । गैरआवासीय नेपाली संघ (एनआरएनए) को आयोजनामा कम्बोडियामा मंगलबारबाट शुरु भएको १०औं एसिया–प्यासिफिक क्षेत्रीय सम्मेलनमा उहाँले उक्त कुरा बताउनु भएको हो । उहाँले भन्नुभयो, यतिबेला हामी बृहत एकताका लागि हदैसम्म लचक छौँ तर हाम्रा एनसीसीको कार्यक्रम प्रभावित हुनु भएन । यदि उच्च स्तरिय समितिकै १३ जनाले महाधिवेशन गराउने भएपनि मे महिनामा त्यो सम्भव छैन तर त्यसको वैधानिक व्यवस्था छ । ” आफू एकताको विरोधी नभएको उहाँको भनाई थियो । उहाँले भन्नुभयो, “सम्मानित सर्वोच्च अदालतबाट मिति २०८०/१२/२१ मा फैसलाले तोकेको महाधिवेशन हुने समय आफू खुसीे परिभाषा गरि काम भई रहेको छ, संघले प्राप्त कानून हक परित्याग नगरि र कुनै पनि बिबन्धन नहुने...

अमेरिका । प्रधानमन्त्री केपी शर्मा ओलीले पिपुल्स अफ नेपाली ओरिजिन (पिएनओ) को मुद्दालाई सम्बोधन गर्न सरकार प्रतिबद्ध रहेको बताउनुभएको छ । थाइल्याण्डमा सम्पन्न गैरआवासीय नेपाली संघको पिएनओ केन्द्रित दोस्रो अन्तर्राष्ट्रिय युवा सम्मेलनमा प्रधानमन्त्री ओलीले उक्त प्रतिबद्धता व्यक्त गर्नुभएको हो । उहाँले भन्नुभयो, “गैर–आवासीय नेपाली संघ मात्र नभई नेपाल सरकार पनि यस विषयमा प्रतिबद्ध छ ।” दोस्रो विश्वयुद्धपछि विभिन्न कारणले विभिन्न देशहरूमा गएर बसोबास गरेका नेपालीहरूको विषयमा सरकार सचेत रहेको उहाँको भनाई थियो, उहाँले भन्नुुभयो “गैर–आवासीय नेपालीहरूको अवस्था विभिन्न प्रकारका हुन्छन् – केही स्थायी रूपमा विदेशमा छन् भने केही अस्थायी रूपमा पेशा वा व्यवसायमा संलग्न छन् । यस परिप्रेक्ष्यमा, के कस्ता नीति लिनुपर्छ, सरकारले के कस्ता अपेक्षा राख्न सक्छ, गैर–आवासीय नेपालीहरूले के कस्ता योगदान दिन सक्छन्,...