मनोरन्जन

अमेरिका । शुक्रबार १४ फ्रेब्रुअरी, प्रणय दिवस अर्थात् ‘भ्यालेन्टाइन डे’ । नेपालसहित विश्वभर यो दिवस फूल तथा उपहार साटासाट गरेर मनाइएको छ । यस दिनलाई विशेषगरी युवाहरुले उत्सवका रुपमा मनाउने गर्छन् । रेस्टुँरा तथा मलहरुमा भ्यालेन्टाइनलक्षित साजसज्जा गरिएका थिए भने फूल तथा उपहार किन्नेहरुको पनि बजारमा चहलपहल देखिएको थियो । रोमन सम्राट क्लाउडियसले विवाह गर्न निषेध गरेको विरोधमा युवायुवतीहरुलाई प्रेमका लागि उत्प्रेरित गर्ने भ्यालेन्टाइनलाई मृत्युदण्ड दिएको सम्झनामा हरेक वर्ष फेब्रुअरी १४ का दिन यो दिवस मनाउने गरिन्छ ।...

नेपाल । १६ औँ राष्ट्रिय बालनाटक महोत्सव तथा बाल लघुचलचित्र प्रदर्शन बिहीबारदेखि सुरु भएको छ । चलचित्र विकास बोर्डका अध्यक्ष दिनेश डिसीलगायत रुसी सदन काठमाडौँका निर्देशक आन्तोन मास्लोभलगायतले कार्यक्रमको शुभारम्भ गर्नुभयो । चलचित्रसँगै नाट्य क्षेत्रलाई पनि सँगै अगाडि बढाउनुपर्ने बोर्ड अध्यक्ष डिसीले बताउनुभयो । उहाँले बालबालिकालाई अगाडि बढ्न र आफ्नो लक्ष्य पहिचान गर्न ढिला नगर्नसमेत आग्रह गर्नुभयो । शैली थिएटरका अध्यक्ष एवं महोत्सव निर्देशक नवराज बुढाथोकीले बालबालिकाको हारलाई जितमा परिणत गर्न सक्ने गरी अगाडि बढाउन बाल लघुचलचित्र प्रदर्शन गरिएको बताउनुभयो । उहाँले करिब १६ वर्षसम्म अनवरत रूपमा नाटक र थिएटरलाई सार्थक रूपमा अगाडि बढाइरहेको बताउनुभयो । रुसी सदनका निर्देशक आन्तोनले रङ्गमञ्च र यसको सम्मिश्रणले बालसाहित्यसहित नाट्य क्षेत्रमा फरकपन भित्रिने बताउनुभयो । उहाँले नेपाल र रुसको सांस्कृ...

अमेरिका । नेपथ्यले अष्ट्रेलियामा श्रृंखलावद्ध साँगीतिक यात्रा गर्ने भएको छ । वर्ष २०२५ को यो पहिलो विदेश भ्रमणमा एक महिना लगाएर ब्याण्डले सातवटा अष्ट्रेलियाली सहरहरुमा आफूलाई प्रस्तुत गर्नेछ । आगामी मार्च महिनाको ३ तारिख संघीय राजधानी क्यानबेराबाट सुरु हुने नेपथ्य यात्रा त्यसै महिनाको २९ तारिख सिड्नीमा पुगेर सम्पन्न हुनेछ । त्यसबीच ब्याण्डले पर्थ, ब्रिसबेन, होबार्ट, एडिलेड र मेलबर्नको मञ्चमा आफुलाई उभ्याउने छ । नेपालीपनमा रमाउने संसारभरिका श्रोता दर्शकहरुलाई लोकरकका माध्यमबाट जोड्दै आएको अग्रणी ब्याण्ड नेपथ्यको यो सातौँ अष्ट्रेलिया यात्रा श्रृंखला हो । अष्ट्रेलियाको यात्रामा यसपटक छ जना ब्याण्डका सदस्य र आठ जना प्राविधिक एवम् व्यवस्थापन गरेर १४ सदस्यीय समूह प्रस्थान गर्नेछ । ...

नेपाल । चर्चित गायिका एलिना चौहानले श्रीमान विष्णु सापकोटासँग सम्बन्धविच्छेद गरेकी छन् । एलिनाले सम्बन्धविच्छेदका लागि हालेको मुद्दाको मंगलबार जिल्ला अदालत काठमाडौंले छिनोफानो गरेको हो । एलिना र विष्णुबीच गत वैशाख ५ गते विवाह भएको थियो । एलिनाले श्रीमानसँग अंश र मानाचामलको दावी गरेकी छैनन् । हाल अष्ट्रेलियामा बस्दै आएका बिष्णुले वारेसमार्फत डिभोर्सको मुद्दा लडेका थिए । औपचारिक ढंगले डिभोर्स भएपछि एलिनाले विष्णुका नाममा भावुक स्टाटस लेखेकी छिन् । ...

कोलोराडो । नमस्ते कोलोराडोको आयोजनामा आगामी शुक्रबार फेब्रुअरी १४ (भ्यालेन्टाइन डे) को दिन गायिका मिना निरौलाको साँगीतिक प्रस्तुति हुने भएको छ । 6590 W 120th Ave B2, Broomfield, CO 80020 दरबार रेस्टुरेन्टमा साँझ ७ बजेबाट साँगितिक कार्यक्रम सुरु हुनेछ । उक्त कार्यक्रममा चर्चित गायिका निरौलाको साथमा ठमेल बजारमा, कालेदाई–कालेदाई जस्ता थुप्रै गीत संगीतमा नाच्न र समाउन पाइने छ । उक्त सांगीतिक कार्यक्रमलाई भव्य बनाउने तयारीमा जुटेको नमस्ते कोलोराडोका प्रबन्ध निर्देशक सुमन केसीले बताउनु भयो । सम्पर्कः अध्यक्ष सुमन केसी 720416-6506...

नेपाल । जनकपुर अन्तर्राष्ट्रिय चलचित्र महोत्सव, २०८१ फागुन १६ गतेदेखि हुने भएको छ । आयोजक संवाद फाउण्डेशनले यसबारेमा जानकारी दिएको हो । महोत्सव फागुन १६ गतेदेखि १८ गतेसम्म जनकपुरको मैथिली भवनमा हुने आयोजकले जानकारी दिएको छ । महोत्सवमा ११४ भन्दा बढी देशका चलचित्रहरुले आवेदन दिएका र नेपाली पानोरामामा नेपालबाट अझै पनि चलचित्रको आवेदन आउने क्रम जारी रहेको जानकारी दिएको छ । पत्रकार सम्मेलनमा बोल्दै अभिनेत्री रेखा थापाले कलाकारको भूगोलको सीमाना नहुने र सबै भूगोलको कलाकार हुने बताइन् । कला र महिलाको जननी मिथिला सभ्यता भएको भन्दै महोत्सवले नेपालको पर्यटन प्रवद्र्धन गर्ने विश्वास लिएको पनि बताइन् । महोत्सवको उद्देश्य नेपालमा चलचित्रको महत्व बुझाउनु रहेको बताइएको छ ।...

नेपाल । विवाह भएको १ वर्ष नपुग्दै गायिका एलिना चौहानले काठमाडौं जिल्ला अदालतमा शुक्रबार सम्बन्ध विच्छेदको मुद्दा दायर गरेकी छन् । पति विष्णु सापकोटालाई विपक्षी बनाउँदै उनले फिराद पत्र दायर गरेको काठमाडौं जिल्ला अदालतका सूचना अधिकारी दीपककुमार श्रेष्ठले जानकारी दिए । ‘अंश हकदावी भन्दा पनि सम्बन्ध विच्छेद भएमात्र पुग्ने भन्दै उहाँले फिराद पत्र दायर गर्नुभएको हो’ श्रेष्ठले भने, ‘अब उहाँको पतिको नाममा म्याद जारी हुन्छ । पतिले म्याद बुझेर प्रत्युत्तर दिनुभयो भने सोहीअनुसार प्रक्रिया अघि बढ्छ ।’ विष्णु भने अहिले अस्ट्रेलियामा छन् । अदालतमा मुद्दा दायर गर्नुअघि एलिना केही दिनदेखि कानून व्यवसायीसँगको परामर्शमा थिइन् । बागलुङ घर भएका विष्णुसँग गत बैशाखमा एलिनाले विवाह गरेकी थिइन् ।...