कोलोराडो विशेष/अमेरिका

नेपाल । प्रधानमन्त्री केपी शर्मा ओलीसँग नेपाल भ्रमणमा रहनुभएका संयुक्त राज्य अमेरिकाका व्यवस्थापन तथा स्रोतसम्बन्धी उपविदेशमन्त्री रिचार्ड आर वर्माले शिष्टाचार भेट गर्नुभएको छ । प्रधानमन्त्री तथा मन्त्रिपरिषद्को कार्यालय, सिंहदरबारमा अगस्ट १६ तारिख शुक्रबार भएको भेटमा उहाँहरुबीच दुईपक्षीय सम्बन्ध र आपसीहितका विषयमा छलफल भएको प्रधानमन्त्रीको सचिवालयले जनाएको छ । नेपालको आर्थिक र सामाजिक विकासका क्षेत्रमा सन् १९५० देखि अमेरिकी सरकारले गर्दै आएको निरन्तर सहयोगका लागि प्रधानमन्त्री ओलीले आभार व्यक्त गर्नुभयो । उहाँले नेपालको विकासका विविध क्षेत्रमा अमेरिकी सरकारको सहयोगको अपेक्षासमेत गर्नुभयो । प्रधानमन्त्री ओलीले नेपाल सन् २०२६ भित्र अल्पविकसित मुलुकबाट स्तनोन्नति हुने क्रममा रहेको र राजनीतिक सहमतिका आधारमा नेपालको सङ्क्रमणकालीन न्यायसम्बन्धी कानुनका विषय टुङ्गो लाग्ने क्रममा रहेको उल्लेख ...

-नातिबाबु भट्ट (कोलोराडो, अमेरिका) । कोलोराडोमा सक्रिय सम्पूर्ण नेपाली संघसंस्थाको सक्रिय सहयोगमा हेल्पिङ हेण्ड हेल्थ एजुकेशन र नेपाली घरलाई आर्थिक सहयोग संकलन गर्ने उद्धेश्यले फन्ड रेजिङ डिनर कार्यक्रम आयोजना हुने भएको छ । हेल्पिङ ह्यान्ड्स नेपाल र नेपाली घरको समन्वयमा आगामी सेप्टेम्बर ८ तारिक आइतबार फन्ड रेजिङ डिनर कार्यक्रम आयोजना गर्न लागिएको हो । 11885 Bradburn Blvd. Westminster स्थित हलमा बेलुका ५ बजेदेखि ८ बजेसम्म संचालन हुने उक्त फन्ड रेजिङ डिनर कार्यक्रमलाई भव्य, सभ्य र व्यबस्थित रुपमा सफल पार्न दुई छुट्टा छुट्टै समिति गठन गरि कार्य बिभाजन गरिएको छ । आइतबार बेलुका ४ बजेदेखि ८ बजेसम्म नेपाली सांस्कृतिक केन्द्र नेपाली घरमा, कोलोराडोमा सक्रिय बिभिन्न संघ संस्थाहरुको सहभागितामा एक बैठक बसी समिति गठन तथा कार्य बिभाजन गरिएको हो । हेल्पिङ ह्यान्डस नेपाल र नेपाली घरद्वारा आयोजित उक्...

कोलोराडो । महिलाहरुको महान् पर्व हरितालिका तीजको अवसरमा अमेरिकाको कोलोराडोमा नेपालीभाषी चार वटा संघसंस्थाले फरक फरक स्थानमा सामुहिकरुपमा तीज विशेष दर खाने कार्यक्रम गर्ने भएका छन् । यसैक्रममा टुकी इभेन्ट्सले अगस्ट १७ तारिख शनिबारका दिन साँझ ५ बजेदेखि राति १२ बजेसम्म कार्यक्रम आयोजना गर्न लागेको छ । कार्यक्रम Paradise Tavern (9239 Park Meadows Dr, Lone Tree, CO 80124) मा हुनेछ । त्यस्तै नेपाली ओमन थ्राइभ (एनडब्लूटी) ले अगस्ट २४ तारिख शनिबार साँझ ५ बजेदेखि ११ बजेसम्म र सिस्टर्स ग्रुप कोलोराडो (दिदीबहिनी समूह) ले पनि अगस्ट ३१ तारिक शनिबार साँझ ५ बजेदेखि १० बजेसम्म तीन विशेष कार्यक्रम आयोजना गरेको उल्लेख गरेका छन् । त्यस्तै नेप्लिज एशोसियशन अफ कोलोराडो स्प्रिङ (एनएसीएस) ले अगस्ट २४ तारिक साँझ ५ः३० बजेदेखि ९ः३० बजेसम्म तीज विशेष कार्यक्रम गर्ने जनाएको छ । सांगीतिक माहौलमा हर्षोल्लासका साथ...

-सुपेन्द्र बस्नेत (बोस्टन, अमेरिका) । ग्रेटर बोस्टन नेपाली कम्युनिटी (जिबिएनसि) ले अमेरिकाको म्यासाच्युसेट्स राज्यको बोस्टनमा आयोजना गरेको ‘नेपाल डे–२०२४’ कार्यक्रम वर्षाका कारण बिथोलिएको छ । अगस्ट ४ तारिखका दिन म्यासाच्युसेट्स राज्यको एभरेट सिटीको ग्लेन्डल पार्कमा आयोजना गरिएको उक्त कार्यक्रम भारी वर्षाका कारण बीचैमा बिथोलिएको हो । म्यासाच्युसेट्स राज्यको एभरेट सिटीको साझेदारी र स्थानीय नेपाली संघ संस्थाहरुको साथ रहेको उक्त कार्यक्रम उद्घाटन भएर अघि बढ्दै गर्दा पानी पर्न सुरु गरेको थियो । आयोजकले परिरहेको पानीको पर्वाह नगरी रोकिने आसमा कार्यक्रम सञ्चालन गरिनै रहेको थियो । तर, पानी रोकिनुको सट्टा झन बढी बर्सिनथालेपछि कार्यक्रमलाई बिचैमा रोक्न आयोजक बाध्य भयो । कार्यक्रम बिथोलिएपछि आयोजकले बढ्दै गएको वर्षाका कारण जनधनको क्षति हुन सक्ने सम्भावनालाई मध्यनजर गर्दै कार्यक्रमलाई स्थगित गरेको सू...

–मीन बोलखे (कोलोराडो) । नेपाली जनसम्पर्क समिति अमेरिका कोलोराडो च्याप्टरको आयोजनामा ‘समर पिकनिक’ कार्यक्रम भव्यताका साथ सम्पन्न भएको छ । जूलाई २८ तारिख आइतबारका दिन दिउँसो ४ बजेदेखि ७ः३० बजेसम्म Community Park Main St And W 2nd Ave, Broomfield, CO 80020 (Behind Broomfield Library) मा पिकनिक सम्पन्न भएको हो । पिकनिक कार्यक्रम कोलोराडोवासी सम्पूर्ण नेपालीभाषी आमाबुबा, दाजुभाई, दिदीबहिनी, समाजसेवीहरुको सहभागितामा भव्य, सभ्य र मनोरञ्जनात्मक हिसाबले सम्पन्न भएको नेपाली जनसम्पर्क समितिका सभापति गणेश भण्डारीले जानकारी दिनु भयो । आपसी भेटघाट, समन्वय तथा सद्भाव अझ बलियो बनाई मनोरञ्जनसमेत लिने उद्देश्यले समर पिकनिक गरिएको संस्थाका महासचिव ज्ञानेन्द्र पौडेलले बताउनु भयो ।   ...