कोलोराडो विशेष/अमेरिका

अमेरिका । अमेरिकाको भर्जिनिया राज्यको मनासस शहरबाट जूलाई ३१ देखि हराईरहेकी नेपाली मूलकी नर्स ममता काफ्ले भट्टका श्रीमान् नरेश भट्टलाई शुक्रबार विलियम काउन्टी अदालतमा हाजिर गराइएको छ । अभियोजकहरुले भट्टलाई आफ्नी पत्नीको हत्या गरेको आरोप लगाउँदै ममताको शरीरलाई घिसारेको आरोप लगाएका छन् । न्यायाधीशले शुक्रबार नरेशलाई रिहा गर्न अस्वीकार गरे र उनी हिरासतमा रहेका छन्। उनको प्रारम्भिक सुनुवाइ अक्टोबर २४ मा हुने भएको छ । उनलाई बिहीबार बिहान स्थानीय प्रहरीले पक्राउ गरेको थियो । उनलाई प्रहरीले शंकाष्पद भन्दै निगरानीमा राखेको थियो । बुधबार घर खानतलासी गरेको प्रहरीले उनलाई घरबाटै पक्राउ गरेको हो । करीब १ वर्ष छोरीलाई प्रहरीले आफूहरुसँगै लगेको अन्तर्राष्ट्रिय सञ्चारमाध्यमहरुले उल्लेख गरेका छन् । ममता सम्पर्कविहीन भएपछि ममताको खोजीका लागि मनासस पार्क प्रहरी चौकी अगाडि सबै समुदायका व्यक्तिहरु, ममताका ...

कोलोराडो । अमेरिका निवासी नेपालीहरुलाई सम्बोधन गर्ने क्रममा कोलोराडो आइ पुग्नु भएका वरिष्ठ अर्थविद्, सांसद तथा रास्वपा उपसभापति डा. स्वोर्निम वाग्लेले ‘मोजेक अफ कल्चरः नेपाली सामुदायिक प्रदर्शनी’ को अवलोकन गर्नु भएको छ । सोही भ्रमणको क्रममा कोलोराडो नेप्लिज कम्युनिटीका फाउण्डर तथा सीईओ बिनिशा श्रेष्ठले हाल प्रदर्शनीमा रहेको प्रदर्शनीका बारेमा अरोरा हिस्ट्री म्युजियममा बिस्तृत जानकारी गराउनु भएको थियो । उक्त प्रदर्शनी हाल १ बर्षलाई सो संग्रहालयमा राखिने र सिटी अफ अरोरा, अफिस अफ इन्टरनासोनल एण्ड इम्मीग्रेन्ट अफेर्सको सहकार्यमा सम्भव भएको पनि जानकारी दिनु भएको थियो । नेपाली भाषा, संस्कृति, इतिहास, रहनसहनबारे संग्रहालयमा बिशेष प्रदर्शन गरिएको छ । यो बर्ष भरि सिटी अफ अरोराको बिशेष सहकार्यमा नेपालसित सम्बन्धित विभिन्न कार्यक्रम गरिने पनि जानकारी गराउनु भयो । ...

अमेरिका । अमेरिकाको भर्जिनिया राज्यको मनासस शहरबाट २२ दिनदेखि हराईरहेकी नेपाली मूलकी नर्स ममता काफ्ले भट्टका श्रीमान् नरेश भट्ट गिरफ्तार भएका छन् । उनलाई बिहीबार बिहान स्थानीय प्रहरीले पक्राउ गरेको हो । उनलाई प्रहरीले शंकाष्पद भन्दै निगरानीमा राखेको थियो । बुधबार घर खानतलासी गरेको प्रहरीले उनलाई घरबाटै पक्राउ गरेको हो । करीब १ वर्ष छोरीलाई प्रहरीले आफूहरुसँगै लगेको अन्तर्राष्ट्रिय सञ्चारमाध्यमहरुले उल्लेख गरेका छन् । प्रहरीले पत्रकार सम्मेलन गरी घटनाबारे थप जानकारी दिने भनेको छ । जुलाई ३१ देखि ममता सम्पर्कविहीन भएपछि ममताको खोजीका लागि मनासस पार्क प्रहरी चौकी अगाडि सबै समुदायका व्यक्तिहरु, ममताका साथीहरु, स्वास्थ्यकर्मी, शुभचिन्तक, बिभिन्न संघसंस्थाका प्रतिनिधि र समाजसेवीहरुले दवाव सिर्जना गरिरहेका छन् । (–फोटोहरु अन्तर्राष्ट्रिय सञ्चारमाध्यमहरुबाट साभार ।) ...

-नातिबाबु भट्ट (कोलोराडो, अमेरिका) । नेवाः समुदायको बाक्लो बसोबास रहेको कोलोराडोमा धर्म संस्कृति संरक्षण तथा पहिचान गर्ने उद्धेश्यले येंयाः को कार्यक्रम आयोजना गर्न लागिएको छ । कोलोराडो नेवाः खलःको आयोजनामा बर्षा र सहकालका देवता ईन्द्रको पूजा आराधना गर्दै नेवाः समुदायले मनाउने येंयाः आगामी सेप्टेम्बर २२ तारिक आइतबारका दिन नेपाली साँस्कृतिक केन्द्र नेपाली घरमा मनाउन लागिएको हो । इन्द्रजात्रा काठमाडौं , भक्तपुर, ललितपुर, लगायत नेवाः समुदायको बस्ती रहेका स्थानमा इन्द्रको पूजा आराधना गरी परम्परागत रूपमा नेवाः समुदायले मनाउने जात्रा हो । यसलाई इन्द्र जात्रा पनि भनिन्छ। इन्द्र जात्राको प्रमुख कार्य नै लिंगो ध्वजा स्थापना हो । मठैमठ र मन्दिरले सजिएको हनुमानढोका दरबार क्षेत्र यो जात्राको उद्गम स्थल मानिन्छ । जात्रा भाद्र शुक्लपक्ष द्वादशीका दिन सुरू भई मंगल चौथीसम्म आठ दिन विभिन्न नाच, गान, रथया...

कोलोराडो । तमु प्ये ल्हु अमेरिकाको १०औं वार्षिकोत्सवको अवसरमा गत जुन २९ र ३० (शनिबार र आइतबार) भव्यताका साथ सम्पन्न अन्तरराज्य स्तरीय (इन्टर स्टेट) टीपीएलए कप २०२४ पुरुष भलिबल प्रतियोगिता सफल बनाउन साथ सहयोग गर्नेहरुलाई प्रशंसापत्र सहित सम्मान गरिने भएको छ । उक्त कार्यक्रमको सहआयोजकमा एनआरएनए कोलोराडो च्याप्टर र कोलोराडो नेपाली युथ क्लब (सीएनवाईसी) रहेका थिए । उक्त प्रतियोगिता भब्य र सभ्य रुपमा सम्पन्न गर्नको लागि आर्थिक, भौतिक तथा नैतिक रुपमा सहयोग पुर्‍याउनु हुने सहयोगी मनहरु, सम्पूर्ण आयोजक समितिका सदस्यहरु, स्वयम्सेवक तथा सहयोगीदाताहरुलाई सम्मान गर्न लागिएको तमु प्ये ल्हु अमेरिकाका अध्यक्ष चक्र ब. क्रोम्छे तमुले बताउनु भयो । ‘प्ये म्हस्याँ छ्या म्हमु, छ्या म्हस्याँ ल्हु म्हमु, ल्हु म्हस्याँ म्हि म्हमु’ अर्थात ‘शास्त्र हराए संस्कार हराउँछ, संस्कार हराए संस्कृति हराउँछ, संस्कृति हराए ...

कोलोराडो । एनआरएनए कोलोराडो च्याप्टरले रास्वपा उपसभापति, वरिष्ठ अर्थविद् तथा प्रतिनिधि सभाका सांसद डा. स्वर्णिम वाग्लेसँग आफूहरुका विभिन्न समस्याहरु तथा समाधानका लागि गर्नु पर्ने विषयवस्तुहरु प्रस्तुत गरेको छ । पार्टी कामको शिलशिलामा हाल कोलोराडोमा आएका डा. वाग्लेलाई एनआरएनए कोलोराडो च्याप्टरका पूर्व अध्यक्ष आरसी पन्त, च्याप्टर अध्यक्ष प्रकाश पौडेल, एनआरएनए एनसीसी अमेरिकाका बीओडी निमा शेर्पासहित एनआरएनएका सदस्यहरुले आफ्ना जिज्ञासासहित १६ बुँदे सवालहरु प्रस्तुत गरिएको हो । एनआरएनहरुलाई नागरिकता दिन थालिए पनि अधिकार संकुचित गरिएको, राजनीतिक अधिकार नदिएपनि अरु अधिकार आम नेपालीहरुले पाए अनुसारनै पाउनु पर्ने, एनआरएनहरुले नेपालमा स्वास्थ्य, शिक्षा, सूचना प्रविधि लगायता क्षेत्रमा लगानी गर्न चाहे पनि सरकारी प्रक्रिया झंझटिलो रहेकोले त्यसलाई सहजीकरण गर्नका लागि पहल गरिदिन अनुरोध गरे । साथै अमे...

कोलोराडो । अमेरिकाको कोलोराडोमा अगस्ट १६ तारिक शुक्रबार राष्ट्रिय स्वतन्त्र पार्टी प्रवास नेपाली सम्पर्क समिति कोलोराडोको आयोजनामा अन्तरक्रिया तथा परिचयात्मक कार्यक्रम सम्पन्न भएको छ । रास्वपा प्रवास नेपाली सम्पर्क समितिका अध्यक्ष दीपक सुनुवारको अध्यक्षतामा सम्पन्न कार्यक्रममा रास्वपाका उपसभापति , सांसद तथा वरिष्ठ अर्थशास्त्री डा. स्वर्णिम वाग्लको उपस्थिति रहेको थियो । वेष्टमिनिस्टरको म्यारियट होटलमा सम्पन्न कार्यक्रममा कोलोराडो स्थितको विभिन्न संघ संस्थाका पदाधिकारी लगायत नेपालीभाषी जनसमुदायको बाक्लो उपस्थिति रहेको थियो । उक्त अन्तरक्रिया कार्यक्रममा डा. वाग्लेले नेपालको अर्थतन्त्र राजनीति र समसामयिक विषयको यथार्थ चित्रण गर्दै नेपालमा आन्तरिक र बाह्य दुवै क्षेत्रमा बसाई सराइले नेपालका कैयौँ भू-भाग रित्तिदै गएको र सबल र सक्षम जनशक्ति नहुने अवस्था आउन सक्ने संभावना औल्याए । राजनीतिमा ...

अमेरिका । अगस्त १ देखि अमेरिकाको भर्जिनिया राज्यको मनासस शहरबाट हराईरहेकी नेपाली मूलकी नर्स ममता काफ्ले भट्ट अझैसम्म पनि फेला परेकी छैनन् । ममताको ११ महिनाको बच्चा छ । ममताको खोजीका लागि मनासस पार्क प्रहरी चौकी अगाडि सबै समुदायका व्यक्तिहरु, ममताका साथीहरु, स्वास्थ्यकर्मी, शुभचिन्तक ,बिभिन्न संघसंस्थाका प्रतिनिधि र समाजसेवीहरुले दवाव सिर्जना गरिरहेका छन् । यता, नेपाली समुदायले ममताका परिवारका सदस्यलाई अमेरिका झिकाउने प्रयास जारी राखेका छन् । ममताको लागि काम गरिरहेका नेपाली समुदायले अमेरिकी सिनेटर, सांसदहरुसँग ममताका परिवारका सदस्यहरुलाई झिकाउने सवालमा अथक प्रयास गरिरहेका छन् ।  ...