बीडीए कोलोराडो च्याप्टरको अध्यक्षमा नवराज मरासेनी चयन

-नातिबाबु भट्ट (कोलोराडो अमेरिका) । बल्ड डोनर्स अफ अमेरिका (बीडीए) कोलोराडो च्याप्टरको अध्यक्षमा नवराज मरासेनी चयन भएका छन् ।

संस्थाका सदस्यहरूको हालै सम्पन्न भेलाले नवराज मरासेनीको अध्यक्षतामा सर्वसम्मत तरिकाबाट ५ सदस्यीय कोलोराडो च्याप्टरको नयां कार्यसमिति गठन गरेको हो ।

यसरी चयन भएका संस्थाका अन्य सदस्यहरूमा शर्मिला शर्मा, चिरन्जिबी लम्साल , बिकाश भण्डारी र डा. शारदा त्रिपाठी रहेको अध्यक्ष मरासेनीले बताएका छन् । कार्यक्रममा बीडीए अमेरीकाको निवर्तमान केन्द्रीय अध्यक्ष भुषणलाल श्रेष्ठ, बरिष्ठ केन्द्रीय उपाध्यक्ष टिका पौडेल, केन्द्रयि कोषाध्यक्ष फणिन्द्र क्षेत्री लगायतका ब्यक्तिहरूको उपस्थिती रहेको थियो ।

अमेरिकामा रक्तदान जीवनदान भन्ने मान्यतालाई सार्थक रूपदिन नेपालीहरूको सकृयतामा सन् २००९ मा स्थापित यस संस्थाको कोलोराडो लगायत २ दर्जन भन्दा बढि स्टेटमा च्याप्टर गठन भइसकेको छ ।