अर्थतन्त्र

नेपाल । भन्सार विभागले सोमबार सार्वजनिक गरेको आर्थिक वर्ष २०८०–८१ को तथ्याङ्क अनुसार वर्षभरीमा १५ खर्ब ९२ अर्ब ९८ करोड रूपैयाँ बराबरको वस्तु आयात भएको छ । सोही अवधिमा १ खर्ब ५२ अर्ब ३८ करोड रूपैयाँको वस्तु निर्यात भएको भन्सार विभागको तथ्यांक छ । अघिल्लो वर्षको तुलनामा आयात निर्यात घटेको हो । आर्थिक वर्ष ०७९–०८० मा १६ खर्ब ११ अर्ब ७३ करोड रुपैयाँ बराबरको वस्तु आयात भएको थियो । सोही अवधिमा १ खर्ब ५७ अर्ब १४ करोड रुपैयाँ बराबरको वस्तु निर्यात भएको विभागले जनाएको छ । अघिल्लो आर्थिक वर्षको तुलनामा गत वर्ष आयात १.१६ प्रतिशत र निर्यात ३ प्रतिशतले घटेको छ । गत आर्थिक वर्ष विभिन्न मुलुकबाट सामान आयात गरेबापत ४ खर्ब २० अर्ब १६ करोड ८२ लाख रुपैयाँ राजस्व उठेको छ । सबैभन्दा बढी पेट्रोल, डिजेल र एलपीजी ग्यास आयात गरिएको विभागको तथ्यांक छ । एक वर्षमा १ खर्ब ४३ अर्ब ९७ करोड रुपैयाँको पेट्रोल आयात गरिए...

नेपाल । नेपाल स्टक एक्सचेञ्ज (नेप्से) परिसूचक आज सामान्य अंकले बढेको छ । सोमबार नेप्से २.१५ अंकले बढेर २४८८.०९ अंकमा कायम भएको हो । ३०९ कम्पनीको ३ करोड ९७ लाख ५४ हजार ७११ कित्ता शेयर एक लाख ७० हजार ५५९ पटक खरिदबिक्री हुँदा १३ अर्ब ९१ करोड ५५ लाख ३५ हजार ४४० रुपैयाँ बराबरको कारोबार भएको छ । मुक्तिनाथ कृषि कम्पनी लिमिटेडको शेयर मूल्यमा सकारात्मक सर्किट लागेको थियो । त्यस्तै सबैभन्दा बढी गणपति लघुवित्त वित्तीय संस्था लिमिटेडको शेयर मूल्य ९.९४ प्रतिशतले घटेको छ । कारोबार रकमका आधारमा सबैभन्दा धेरै हिमालयन रिइन्स्योरेन्स लिमिटेडको ३६ करोड ९३ लाख ४८ हजार सात सय ४१ बराबरको कारोबार भएको छ । कारोबार भएका शेयर संख्याका आधारमा भने सिद्धार्थ इन्भेस्टमेन्ट ग्रोथ स्किम-२ को १५ लाख ५६ हजार ९९५ कित्ता शेयर किनबेच भएको छ ।...

नेपाल । नेपालमा मंगलबारबाट नयाँ आर्थिक वर्ष २०८१/८२ शुरु भएको छ । नयाँ वर्षको शुरुवातमा शेयर बजारमा लामो समयपछि नेप्सले ठूलो फड्को मारेको छ । साताको तेस्रो कारोबार दिन नेप्से परिसूचक ७० भन्दा धेरै अंकले बढेर २ हजार ३ सयको बिन्दु पार गरेको हो । यो दुई वर्षयताको उच्च विन्दु हो । यसअघि २०७९ वैशाख २९ गते नेप्से २ हजार ३५० दशमलव ४२ बिन्दुमा बन्द भएको थियो । त्यसयता नेप्सेले २ हजार ३ सयको बिन्दु पार गर्न सकेको थिएन । मंगलवार परिसूचक ७० दशमलव १८ अंक अर्थात् ३ दशमलव १३ प्रतिशतले बढेर २‚३१० दशमलव ५९ बिन्दुमा उक्लिएको छ । मंगलवार ९ अर्ब १३ करोड ८६ लाख २९ हजार रुपैयाँ बराबरको शेयर कारोबार भएको छ । ३१५ कम्पनीको २ करोड ५८ लाख ३६ हजार २८५ कित्ता शेयर १ लाख १९ हजार ११ पटक कारोबार भए । ...

नेपाल । नेपालमा प्रधानमन्त्री केपी शर्मा ओलीको नेतृत्वमा नयाँ सरकारले पदभार ग्रहण गरेकै दिन नेपाल आयल निगमले पेट्रोलियम पदार्थको मूल्य वृद्धि गरेको छ । इण्डियन आयल कर्पोरेशनबाट बढेर आएपछि नेपालमा पनि मूल्य वृद्धि गरिएको निगमले विज्ञप्तिमार्फत जानकारी दिएको छ । निगमले पेट्रोलमा प्रतिलिटर ४ र डिजेल तथा मट्टितेलमा ३ रुपैयाँका दरले भाउ बढाएको हो । ...

नेपाल । काठमाडौँ महानगरपालिकाले राजधानीको न्युरोडमा शुरु गरेको फुटपाथ (सडक पेटी) विस्तारले अब निरन्तरता पाउने भएको छ। महानगरपालिकाले पैदलमार्ग सुधारका लागि थालेको काम डिभिजन सडक कार्यालय काठमाडौँको हस्तक्षेपका कारण रोकिएको थियो। यसरी रोकिएको काम उच्च अदालत पाटनका न्यायाधीशद्वय ध्रुवराज नन्द र प्रकाश खरेलको संयुक्त इजलासबाट आज महानगरपालिकाले माग गरेबमोजिम अन्तरिम आदेश दिएपछि काम फेरि शुरु हुने भएको हो। नयाँ सडक क्षेत्रलाई पैदलमैत्री बनाउन महानगरपालिकाले बोलपत्रमार्फत निर्माण पक्ष छनोट गरेर गत जेठ ११ गतेदेखि काम थालेको थियो।...

नेपाल । शुक्रबार नेपाली बजारमा सुनको मूल्यले नयाँ कीर्तिमान बनाएको छ । मुल्य १८ सयले बढेसँगै अहिलेसम्मको सर्बाधिक मुल्य भएको हो । शुक्रबार सुन तोलाको एक लाख ४६ हजार ७ सयमा कारोबार भएको नेपाल सुनचाँदी व्यवसायी महासंघले जनाएको छ । यसअघि विहिबार सुनको तोलाको १ लाख ४४ हजार ९ सयमा कारोबार भएको थियो । त्यस्तै, तेजावी सुन प्रतितोला १ लाख ४६ हजारमा खरिदबिक्री भएको नेपाल सुनचाँदी व्यवसायी महासंघले जनाएको छ । चाँदीको मूल्य पनि बढेको छ । चाँदी प्रतितोला १५ रुपियाँ बढेर तोलाको १९०० मा कारोबार भएको थियो ।...

नेपाल । पृथ्वी राजमार्ग अन्तर्गत नौबिसे-मलेखु खण्ड सडक बुधबारबाट १५ दिनसम्म राति बन्द भएको छ । नागढुंगा–मुग्लिङ सडक आयोजना (पूर्वी खण्ड) ले सूचना प्रकाशित गर्दै यो सडक खण्ड साउन ९ गतेसम्म राति बन्द गर्न लागिएको जनाएको छ । सडक राति १० देखि बिहान ३ बजेसम्म बन्द हुने आयोजनाले जनाएको छ । उक्त सडक खण्डमा पर्ने गणेश खोला, डाङडुङ खोला, खेस्टे खोला र पोखरा खोलाका पुलको संरचनामा काम गर्ने गरी सडक बन्द गर्न लागिएको आयोजनाले जनाएको छ ।...

नेपाल । सहकारी संस्था बचत रकम दुरुपयोग संसदीय छानबिन विशेष समितिले सक्रियता देखाएको छ । उक्त समितिले दिनदिनै सरोकारवाताहरुसँग छलफल गर्दै आएको छ । समितिको मंगलवार सिंहदरबारमा बसेको समितिको बैठकले असार २६ गते बुधवार पीडितहरूसँग छलफल गर्ने निर्णय गरेको हो। पीडितहरूसँग छलफल गरी त्यहाँभित्रको समस्या समाधानका लागि थप तथ्यहरूको खोजी गर्ने काम हुने पनि विशेष समितिले जनाएको छ । सम्बन्धित क्षेत्रका व्यक्तिहरुसँग छलफल गरी समस्या समाधानको निश्कर्ष दिने समितिको तयारी छ । ...