कोलोराडोखबर संवाददाता
नेपाल । राष्ट्रिय स्वतन्त्र पार्टीका अध्यक्ष रवि लामिछाने र जीबी राईलगायत प्रतिवादी रहेको मुद्दामा संगठित अपराध तथा सम्पत्ति शुद्धीकरण मुद्दा तत्काल फिर्ता नहुने भएको छ।
कास्की जिल्ला अदालतले सर्वोच्च अदालतको अन्तिम आदेश नआएसम्म मुद्दा फिर्ता नलिने निर्णय गरेसँगै लामिछानेको मुद्दा फिर्ता प्रक्रिया रोकिएको हो ।
सोमबार जिल्ला न्यायाधीश नीतिज राईको एकल इजलासले महान्यायाधिवक्ताको कार्यालयबाट आएको मुद्दा फिर्ता लिने निर्णयमाथि सर्वोच्चमा रिट परेकाले तत्काल मुद्दा फिर्ता प्रक्रिया अगाडि नबढाउने आदेश दिएको छ ।
सर्वोच्चबाट हुने आदेश जिल्ला अदालतमा पेस भएपछि मात्रै निर्णय गरिने जिल्ला अदालत कास्कीका रजिस्ट्रार राजन खनालले जानकारी दिए ।
प्रतिक्रिया दिनुहोस्