कोलोराडोखबर संवाददाता
नेपाल । नेपाल चलचित्र कलाकार संघको अध्यक्षमा कलाकार उत्तम केसी ‘चुईचुइ पारेर’ विजयी हुनुभएको छ । संघको शनिबार संम्पन्न २१ औँ महाधिवसनले केसीको नेतृत्वमा नयाँ कार्यसमिति चयन गरेको हो ।
प्रतिद्वन्द्वी सबिन श्रेष्ठलाई भारी मतान्तरले पराजित गर्दै केसी विजयी हुनुभएको हो । कुल ३५६ मत खसेको निर्वाचनमा केसीले २१६ मत प्राप्त गर्दा प्रतिस्पर्धी सबिन श्रेष्ठले १३२ मत प्राप्त गर्नुभएको थियो ।
त्यस्तै उपाध्यक्ष पदमा शिवहरी बैरागी १४६ मत र पूजना प्रधान १४४ मत, महासचिव पदमा सुनील कटवाल १९५ मतका साथ विजयी हुनुभएको छ ।
सचिव पदमा गोपाल ढकाल २१४ मतका साथ विजयी भएको कार्यसमितिमा कोषाध्यक्षमा तेजुला खतिवडाले १४९ मत र सह–कोषाध्यक्षमा पवन केसीले १६१ मतसहित विजयी हुनुभएको छ ।
कार्यसमितिका १० सदस्यमा दमन रुपाखेती, इन्द्रबहादुर लामा ‘खम्बे’, चन्द्रकला राई ‘लब्ली संगम’, छुल्ठिम गुरुङ, नवीनकुमार श्रेष्ठ, जीवन थापा, सुलेमान इकु, रश्मि भट्ट , चन्द्रकला ‘मोनीका’ दाहाल र श्रीदेव भट्टराई छनोट हुनुभएको छ ।
प्रतिक्रिया दिनुहोस्