फिचर

-नातिबाबु भट्ट (कोलोराडो, अमेरीका) । नेपाल मण्डलका आदिवासी नेवा: समुदायको ऐतिहासिक, धार्मिक तथा सांस्कृतिक पहिचान बोकेको महान् पर्व इन्द्रजात्रा (येँया पुन्ही) अमेरिकाको कोलोराडोमा भब्यताका साथ सम्पन्न भएको छ। कोलोराडो नेवा: खलः (Colorado Newah Khalah) को आयोजनामा आइतबार वेस्टमिन्स्टर स्थित नेपाली साँस्कृतिक केन्द्र नेपाली घरको प्राङ्गणमा पाँचौँ संस्करणको इन्द्रजात्रा सम्पन्न भएको हो। कार्यक्रममा नेवा: समुदायको मौलिक परम्पराअनुसार कुमारी जात्रा, लाखे नाच, पुलुकिसि, सांस्कृतिक झाँकी, नेवा: संगीत, सामयबजी (नेवा: परिकार) तथा मण्डला संगीत समुहको साँगितिक प्रस्तुति लगायत विभिन्न सांस्कृतिक प्रस्तुति रहको थियो । बोल्डर सिटी मेयर Aaron Brockett को प्रमुख आतिथ्यतामा सम्पन्न कार्यक्रमको शुरूमा जीवितदेवी कुमारी, गणेश र भैरवको बिधी पूर्वक पुजागरी रथमा राखी धिमेबाजाको तालमा लाखे, पुलुकिसी संगै नेपा...