फिचर

-टीका पौडेल- कात्तिकको आकाश स्वच्छ हुन्छ। बारीका कान्लामा सयपत्री ढकमक्क फुलेका हुन्छन्। गाउँको मुखैको चौतारोमा मादलको तालसँगै देउसीको स्वर गुन्जिरहेको हुन्छ। सहरका गल्लीमा झिलिमिली बत्तीले रातलाई दिनमा बदल्न खोजिरहेका हुन्छन्। यी सबै दृश्यले एउटै सन्देश बोकेका हुन्छन्— तिहार आएको छ। तर, तिहार केवल दियो, फूल र बत्तीको पर्व होइन। यो सम्बन्ध, प्रेम, सौहार्दता, एकता र सद्भावको पर्व हो। दशैँलाई शक्ति र साहसको प्रतीक मानिन्छ भने तिहारलाई प्रेम, सद्भाव, सौन्दर्य र सहअस्तित्वको उत्सवका रूपमा लिइन्छ। यो भिन्नता आकस्मिक होइन। दशैँमा शक्तिको उपासना हुन्छ, तिहारमा सम्बन्धको। दशैँमा विजयको उत्सव हुन्छ, तिहारमा सहअस्तित्वको। यही सहअस्तित्व र आपसी सद्भावको गहिरो अर्थ बुझ्नु नै आजको तिहारले हामीलाई सिकाउन खोजेको पाठ हो। तिहार पाँच दिनसम्म मनाइन्छ, जसलाई यमपञ्चक भनिन्छ। पौराणिक कथाअनुसार यमराजले पाँच दि...