कोलोराडोखबर संवाददाता
नेपाल । परराष्ट्र मन्त्रालयले १२औँ गैरआवासीय नेपाली विश्व सम्मेलन तथा गैरआवासीय नेपाली संघ (एनआरएनए) को अन्तर्राष्ट्रिय महाधिवेशनको तयारीबारे जानकारी दिन पत्रकार सम्मेलन आयोजना गर्ने भएको छ।
नेपाल सरकार र एनआरएनएको संयुक्त आयोजनामा हुन गइरहेको उक्त सम्मेलन तथा महाधिवेशनसम्बन्धी तयारी, व्यवस्थापन र कार्यक्रमका बारेमा जानकारी दिन परराष्ट्र मन्त्रालयद्वारा संयुक्त पत्रकार सम्मेलन आयोजना गर्न लागिएको हो ।
पत्रकार सम्मेलन आगामी सन् २०२६ फेब्रुअरी २ तारिख, दिउँसो २ बजे, सिंहदरबारस्थित परराष्ट्र मन्त्रालयमा आयोजना हुने जनाइएको छ। सम्मेलनमा सम्बन्धित सरोकारवाला निकाय, सञ्चारकर्मी तथा प्रतिनिधिहरूको गरिमामय उपस्थितिका लागि आयोजकले अनुरोध गरेको छ।
उक्त पत्रकार सम्मेलनमार्फत सम्मेलनको उद्देश्य, कार्यक्रम तालिका, अन्तर्राष्ट्रिय सहभागिता तथा नेपाल सरकार र एनआरएनएको सहकार्यका विविध पक्षबारे विस्तृत जानकारी गराइने अपेक्षा गरिएको छ ।
प्रतिक्रिया दिनुहोस्