कोलोराडोखबर संवाददाता
नेपाल । विगत चार दशकदेखि भाषा, साहित्य, कला, संस्कृति तथा धर्म–दर्शनको श्रीवृद्धिमा सक्रिय रहनुभएका साहित्यकार तथा संस्कृतिविद पद्मराज जोशी ‘प्रभात’ को नाममा स्थापित पद्म प्रभात प्रतिष्ठान २०७९ ले यस वर्ष २०८२ का लागि विभिन्न पुरस्कारहरूको घोषणा गरेको छ।
प्रतिष्ठानको माघ ३ गते धनगढीमा बसेको बैठकको निर्णयअनुसार १ लाख ११ हजार १११ रुपियाँ राशीको पद्म प्रभात प्राज्ञिक पुरस्कार २०८२ भारत उत्तराखण्ड राज्यको अल्मोडा निवासी साहित्यकार, इतिहासकार, पुरातत्वविद् तथा संस्कृतिविद् प्राडा महेश्वरप्रसाद जोशीलाई प्रदान गरिने भएको छ।
डा। जोशीले सन् १९६५ देखि प्राचीन इतिहास, संस्कृति र पुरातत्व विषयमा निरन्तर अनुसन्धान गर्दै मध्यहिमालय (गढवाल, कुमाउ र डोटी) क्षेत्रको इतिहास, पुरातत्व र संस्कृतिमा १०० भन्दा बढी शोधपत्र प्रकाशित गर्नुभएको छ ।
नेपाल–भारत हिमाली भू–भागको पाषाणकालीन प्रागइतिहास, भाषा उद्भव तथा विकास र ‘उत्तराखण्डमा गोर्खा शासनका २४ वर्ष’ विषयमा उल्लेखनीय अनुसन्धान योगदान गरेको भन्दै उहाँलाई सो पुरस्कार समर्पण गरिने प्रतिष्ठानले जनाएको छ।
यसैगरी पद्म प्रभात पत्रकारिता पुरस्कार २०८२ सुदूरपश्चिममा लामो समयदेखि खोज पत्रकारितामा सक्रिय डीआर पन्त ९डडेल्धुरा० र युवा पत्रकार गोविन्द रोस्यारा ९कैलाली० लाई प्रदान गरिने भएको छ। त्यस्तै, भुवनेश्वरी पद्म प्रभात प्रतिभा पुरस्कार कवि तथा साहित्यकार हिरा भट्ट ९बैतडी० लाई समर्पण गरिने भएको छ।
साहित्यकार श्रेष्ठप्रिया पत्थर, महाकाव्यकार मणिराज जोशी र साहित्यकार गणेशराज जोशी सदस्य रहेको छनोट समितिको सिफारिसअनुसार पुरस्कार घोषणा गरिएको प्रतिष्ठानका उपाध्यक्ष हरिलाल गिरिले जानकारी दिनुभयो। सबै पुरस्कारहरू २०८२ सालको चैत्र नवरात्रिको अवसरमा समर्पण गरिने प्रतिष्ठानले जनाएको छ।
प्रतिक्रिया दिनुहोस्