रास्वपा, बालेन साह र उज्यालो नेपाल पार्टीबीच सोमबार एकता घोषणा सभा हुँदै

नेपाल । राष्ट्रिय स्वतन्त्र पार्टी रास्वपाले सोबार बृहत्तर एकता घोषणा सभा गर्ने भएको छ ।

काठमाडौँ महानगरका प्रमुख बालेन साह, उज्यालो नेपाल पार्टी र अन्य समूहबाट आएका नेता कार्यकर्ताको व्यवस्थापनपछि एकता सभा गर्न लागिएको हो ।

दिउँसो १ बजे राष्ट्रिय सभागृहमा एकताको औपचारिक घोषणा हुने रास्वपाले विज्ञप्ति जारी गरी जनाएको छ । पुस १३ र १४ गते रास्वपाले साह र कुलमान घिसिङको संरक्षकत्वमा रहेको उज्यालो नेपाल पार्टीसँग एकता गर्ने सहमति गरेको थियो ।

सभाबाट एकता प्रक्रियाले पूर्णता पाउने र आगामी राजनीतिक कार्यदिशाबारे स्पष्ट पारिने रास्वपाले जनाएको छ । आइतबार बसेको राश्वपा केन्द्रीय समिति बैठकले एकताबाट आएकाहरुलाई समेटेर पदाधिकारी थपसहित केन्द्रीय समितिमा मनोनयन गरेको थियो ।