कोलोराडोखबर संवाददाता
नेपाल । नेपाली साहित्यको इतिहासमा ओझेल परेका कथाकार तथा दिवंगत स्रष्टा केशवप्रसाद आचार्यद्वारा लिखित कथाहरूको सँगालो ‘केशवप्रसाद आचार्यका कथा’ एक समारोहबीच लोकार्पण गरिएको छ ।
बिहीबार ललितपुरको कुपण्डोलमा सुत्रद्वारा आयोजित कार्यक्रममा कथाकारकी ८७ वर्षीया धर्मपत्नी श्रीधरा आचार्य, समालोचक डा. गीता त्रिपाठी र संविधानविद् डा. भीमार्जुन आचार्यले कृति सार्वजनिक गरे ।
सार्वजनिक कृतिमाथि चर्चा गर्दै डा. त्रिपाठीले यो कथासंग्रह मात्रै नभएर एउटा इतिहास नै भएको बताइन् । कृतिभित्र आठवटा कथा समाहित रहेको उल्लेख गर्दै त्रिपाठीले यसभित्रका कथाहरूले महत्त्वपूर्ण विषयको उठान गरेको उल्लेख गरिन् ।
संविधानविद् आचार्यले केशवप्रसाद आचार्यले २०१५ सालदेखि नै कथा प्रकाशित गर्दै आएको चर्चा गर्दै कृतिमा सन्देशमूलक कथाहरू रहेको बताए । कृतिका सम्पादक अमोद भट्टराईले आफ्ना विचार राखे ।
प्रतिक्रिया दिनुहोस्