कोलोराडोखबर संवाददाता
-आर.आर. चौलागाईं-
उब्जाउने हामी
बसीबसी खाने उनीहरू
अनि हामीचाहिँ भोकै हुनुपर्ने
विद्रोह हुनुमा यो पनि एउटा कारण हो ।
बुन्ने हामी
छानीछानी लाउने उनीहरू
अनि हामीचाहिँ नाङ्गैभुतुङ्गै हुनुपर्ने
विद्रोह हुनुमा यो पनि एउटा कारण हो ।
बनाउने हामी
आरामसँग बस्ने उनीहरू
अनि हामीचाहिँ घरबारविहीन हुनुपर्ने
विद्रोह हुनुमा यो पनि एउटा कारण हो ।
–हेटौंडा, मकवानपुर ।
प्रतिक्रिया दिनुहोस्