अक्टोबर १०, ११ र १२ मा कोलोराडोमा नेपाली दूतावासको घुम्ती शिविर सेवा हुने

कोलोराडोखबर संवाददाता , September 25th, 2025

कोलोराडो । एनआरएनए कोलोराडो च्याप्टर, हेल्पिङ ह्याण्डस्, नेपाली घर तथा सम्पूर्ण नेपाली संस्थाहरूको सहकार्यमा आगामी अक्टोबर १०, ११ र १२ गते कोलोराडोमा नेपाली दूतावासको घुम्ती शिविर सेवा हुने भएको छ ।

दूतावासको उक्त घुम्ती शिविर सेवामा सहभागी भई सेवा लिनका लागि सम्पूर्ण कोलोराडोवासी नेपाली दाजुभाइ दिदीबहिनीहरू साथै छिमेकी राज्यहरूमा बसोबास गर्ने नेपालीहरूलाई हार्दिक आमन्त्रण गरिएको छ ।

यस कार्यक्रमलाई सफलतापूर्वक सम्पन्न गर्नका लागि ठूलो संख्यामा स्वयंसेवकको आवश्यकता रहेको हुँदा इच्छुक सबै महानुभावहरूले नाम दर्ता गरिदिनुहुन एनआरएनए कोलोराडो च्याप्टरका अध्यक्ष निमा शेर्पा र चन्द्र गुरुङले अनुरोध गरेका छन् ।