कोलोराडोखबर संवाददाता
अमेरिका । गैरआवासीय नेपाली संघ, राष्ट्रिय समन्वय परिषद् (एनसीसी), अमेरिकाको पूर्ण कार्यसमिति बैठक अगस्ट ११ र अगस्ट १९ मा सम्पन्न भएको छ
।
संघका अध्यक्ष विकास उप्रेतीको अध्यक्षतामा बसेको बैंठकले द्रोण गौतम (टेक्सास) लाई संघको प्रवक्ता, विजय थापा (ओहायो) लाई संघको आईटी कोअर्डिनेटर चयन गर्ने निर्णय गरेको छ ।
साथै बैठकले सेप्टेम्बर १३, शनिबार, डालस, टेक्सासमा बृहत् राष्ट्रिय भेला तथा कार्ययोजना सम्मेलन आयोजना गर्ने र सेप्टेम्बर १४ मा भौतिक कार्यसमिति बैठक गर्ने निर्णय गरेको महासचिव आरसी पन्तले जानकारी दिनु भयो ।
बैठकले गरेका निर्णयहरुः
गैरआवासीय नेपाली संघ,
राष्ट्रिय समन्वय परिषद्, अमेरिका
प्रेस विज्ञप्ति
मिति: अगस्ट २५, २०२५
गैरआवासीय नेपाली संघ, राष्ट्रिय समन्वय परिषद् (एनसीसी), अमेरिकाको पूर्ण कार्यसमिति बैठक यही अगस्ट ११ र अगस्ट १९, २०२५ सम्पन्न भएको छ। बैठकले सर्वसम्मतिमा निम्न महत्वपूर्ण निर्णयहरू गरेको छ:
बैठकका निर्णयहरू:
१. निर्वाचन समितिलाई धन्यवाद:
जुलाई २७ र २८ गते सम्पन्न निर्वाचनमार्फत नयाँ नेतृत्व चयनमा सहयोग गर्नु हुने निर्वाचन समिति, पर्यवेक्षक एवं सम्पूर्ण सहयोगीहरूप्रति हार्दिक धन्यवाद ज्ञापन।
२. एकता तथा समावेशी सहभागिता:
विभिन्न कारणवश छुट्टिएर अन्य समूहमा रहनु भएका नेतृत्वकर्ताहरू, अभियन्ता तथा एनआरएन सदस्यज्यूहरूलाई मूलधारमा फर्की एनसीसीको एकता को लागि आह्वान ।
३. राष्ट्रिय भेला तथा कार्ययोजना सम्मेलन:
सेप्टेम्बर १३, शनिबार, डालस, टेक्सासमा बृहत् राष्ट्रिय भेला तथा कार्ययोजना सम्मेलन आयोजना गर्ने र सेप्टेम्बर १४ मा भौतिक कार्यसमिति बैठक गर्ने निर्णय।
४. विज्ञ समिति गठन:
पाँचदेखि सात सदस्यसम्मको विज्ञ समिति गठन गर्ने, जसले बंसजको नागरिकता तथा अन्य एनआरएनहरुका समस्याहरूमा आइसीसीसँग समन्वय गरी नेपाल सरकार एवं राजनीतिक दलहरूसँग राजनीतिक लबिङ गर्नेछ।
५. नयाँ आगन्तुक नेपालीहरूको सहजीकरण:
अमेरिका आउँदै गरेका नेपाली दाजुभाइ तथा दिदीबहिनीहरूको सहजीकरणका लागि नेपालको विमानस्थलमा होडिङ बोर्ड राख्ने, जानकारीमूलक सामग्री प्रदान गर्ने तथा आवश्यक परेमा सम्पर्क गर्ने तरिका उल्लेख गर्ने। यसका लागि नेपाल सरकारसँग अनुमति लिई यथाशिघ्र कार्य प्रारम्भ गरिने।
६. पदाधिकारी नियुक्ति:
श्री द्रोण गौतम (टेक्सास) – संघको प्रवक्ता
श्री विजय थापा (ओहायो) – संघको आईटी कोअर्डिनेटर
७. ICC सम्मेलन प्रतिनिधि छनोट समिति गठन:
२०२५ अक्टोबरमा नेपालमा हुने अन्तर्राष्ट्रिय समन्वय परिषद् (ICC) सम्मेलनमा सहभागी हुने प्रतिनिधि चयनका लागि निम्न सदस्य रहेको समिति गठन:
संयोजक: श्री दीपक सापकोटा (उपाध्यक्ष)
सदस्य: श्री प्रेम तामाङ (वरिष्ठ उपाध्यक्ष)
सदस्यहरू: श्री कुमार तामाङ, श्री दिवाकर पाण्डे, श्री थलबीर वली, श्रीमती शान्ती पौडेल, श्री विष्णुप्रसाद पौडेल (उपाध्यक्षहरू)
(समितिले अगस्ट ३१ भित्र प्रतिनिधिहरूको नाम अध्यक्ष तथा महासचिवलाई बुझाउनेछ।)
८. बंसजको नागरिकता सम्बन्धी पहल:
एनआरएन नागरिकताको अधिकार सुरक्षित गर्दै बंसजको नागरिकता को लागि पहल गर्न नेपाल सरकारलाई सकारात्मक दवावका लागि अनलाइन पोर्टल निर्माण गरि विश्वव्यापी इलेक्ट्रोनिक हस्ताक्षर संकलन गरिने र नेपाल सरकार र राजनीतिक पार्टी समक्ष औपचारिक रूपमा बुझाइने।
धन्यवाद।
द्रोण गौतम
प्रवक्ता
गैरआवासीय नेपाली संघ,
राष्ट्रिय समन्वय परिषद्, अमेरिका
प्रतिक्रिया दिनुहोस्