कोलोराडोखबर संवाददाता
नेपाल । लेखक वसन्त पराजुलीको उपन्यास बखानमाथि परिचर्चा भएको छ । नेपाली कांग्रेस पुस्तकालय तथा पार्टी अध्ययन स्रोत केन्द्र विभागको आयोजनामा पुस्तक चर्चा कार्यक्रम भएको हो ।
कांग्रेस केन्द्रीय कार्यालय सानेपा आयोजित कार्यक्रममा सहभागीले ऐतिहासिक पात्र बखानसिंह गुरुङले प्रजातान्त्रिक आन्दोलन, सहकारी अभियान एवम् चितवनको बस्ती विकासमा पुर्याएको योगदानमा आधारित भएर उपन्यास लेखिएको भन्दै प्रशंशा गरे ।
कार्यक्रममा नेपाली कांग्रेसका सांसद एव पूर्व मन्त्री दिलेन्द्रप्रसाद बडुले बखानसिंह गुरुङको सङ्घर्षको बारेमा जानकार रहेको बताउनुभयो । उहाँले ऐतिहासिक विषयलाई उपन्यासमार्फत् उजागर गरेकोमा लेखक पराजुलीलाई बधाई दिनुभयो ।
कांग्रेस केन्द्रीय सदस्य एव पुस्तकालय तथा अध्ययन श्रोत केन्द्रका प्रमुख अजयबाबु सिवाकोटीले ऐतिहासिक पात्र बखानसिंह गुरुङको सङ्घर्षको गाथामा पराजुलीले उपन्यास तयार पारेको चर्चा गर्नुभयो । उहाँले आफू नेतृत्वको विभागले यस्तै इतिहास बोकेका विषयवस्तु्को अध्ययन, अनुसन्धानमा धेरै काम गरिरहेको जानकारी दिनुभयो ।
कांग्रेस नेता एव विश्लेषक शङ्कर तिवारीले बखानसिंह गु्रुङको जीवनीमा आधारित उपन्यासबाट कांग्रेसको नेतृत्वमा पटक पटक भएको सङ्घर्ष, २०३८ सालमा गुरुङ मन्त्री हुँदा न्याय तथा भूमिसुधार मन्त्रीनै रोज्नुको कारण खोजीको अर्को पाटो भएको उल्लेख गर्नुभयो ।
लेखक, साहित्यकार ठाकुर बेल्वासेले पराजुलीले नेपाली साहित्यलाई उत्कृष्ट उपन्यास दिएको बताउनुभयो । उहाँले यसलाई इतिहासको दस्तावेज भन्दा पनि उपन्यासकै रूपमा ग्रहण गर्नुपर्नेमा जोड दिनुभयो ।
साहित्यकार एवम् प्राध्यापक एलबी क्षेत्रीले २०१८ सालमा चितवनमा पञ्चायतविरुद्ध भएको सङ्घर्षको विषय उपन्यासमा समेटिएको भन्दै त्यसबारे कांग्रेसले अझै खोजबिन गर्नुपर्ने सुझाव दिनुभयो ।
बखानसिंह गुरुङले पनानिती जानुका गुरुङले कतिपय प्रसङ उपन्यासमा समेटिन बाँकी रहेको भन्दै कांग्रेसले आफ्ना बाजेको उचित मूल्याङ्कन गर्न नसकेको गुनासो गर्नुभयो ।
उपन्यासकार पराजुलीले आफूले बखानसिंह गुरुङको ऐतिहासिक तथ्यमा केन्द्रित भएर उपन्यास तयार पारेको जानकारी दिनुभयो ।
प्रतिक्रिया दिनुहोस्