एनआरएनए कोलोराडो च्याप्टरले दियो एकताको सन्देश

कोलोराडो । एनआरएनए कोलोराडो च्याप्टरले एकताको सन्देश दिएको छ ।

च्याप्टरमा चन्द्र गुरुङ र निमा शेर्पा अध्यक्ष रहेको दुई छुट्टाछुट्टै कार्य समिति चयन भए पनि आपसी समन्वय र समझदारीमा काम गर्ने प्रतिबद्धता जनाएका हुन् ।

यही अगस्ट १७ र १८ को निर्वाचनबाट च्याप्टरको अध्यक्षमा निमा शेर्पा निर्वाचित भएसँगै दुबै कार्यसमितिका पदाधिकारी, एनआरएनए कोलोराडोका निवर्तमान अध्यक्ष तथा एनसीसीका युवा उपाध्यक्ष प्रकाश पौडेल, च्याप्टरका पूर्व अध्यक्ष तथा एनसीसीका महासचिव आरसी पन्तले एकताको सन्देशसहित खुशीयाली मनाएका छन् ।

आगामी दिनमा एनआरएनए कोलोराडो एकढिक्का भएका अघि बढ्ने उक्त अवसरमा प्रतिबद्धता जनाइएको छ ।