कोलोराडोखबर संवाददाता
नेपाल । शहीद गंगालाल राष्ट्रिय हृदय केन्द्र बाँसबारीका कार्डियोभास्कुलर विभागका प्रमुख वरिष्ठ कन्सल्टेन्ट कार्डियाक सर्जन डा. रामेश कोइरालाले पदबाट राजीनामा दिएका छन् ।
मंगलबार अमेरिका पुगेका कोइरालाले बुधबार सामाजिक सञ्जाल एक्समार्फत राजीनामा पत्र सार्वजनिक गर्दै आगामी असोज ३० गतेदेखि लागू हुने गरी राजीनामा दिएको घोषणा गरेका हुन् ।
उनी शहीद गंगालाल राष्ट्रिय हृदय केन्द्र बाँसबारीमा २५ वर्षदेखि कार्यरत थिए । उनले अमेरिका पुगेको फोटो सार्वजनिक गर्दै ‘देश, पेशा, जीवन र भूमिकाः अब सब फरक’ भन्दै लेखेका छन् ।
उनले वीपी कोइराला स्वास्थ्य विज्ञान प्रतिष्ठानको उपकुलपतिमा नियुक्तिका लागि आवेदन दिएका थिए । सर्टलिस्टमा समेत परेका कोइराला र बिक्रम श्रेष्ठ मध्ये कांग्रेस संस्थापनले श्रेष्ठलाई रोजेपछि उनले नियुक्ति पाएनन् । श्रेष्ठ मंगलवार नियुक्त भएगत्तै बुधवार कोइरालाले राजीनामा गरेका हुन् ।
प्रतिक्रिया दिनुहोस्