कोलोराडोखबर संवाददाता
कोलोराडो । नेप्लिज क्यानेडियन क्रिकेट क्लबले आयोजना गरेको प्रतियोगितामा कोलोराडो नेप्लिज युथ क्लब (सीएनवाईसी) ले प्रतिष्पर्धा गर्ने भएको छ ।
यही अगस्ट ९ र १० (शनिबार र आइतबार) मा हुने उक्त प्रतियोगिताको लागि उक्त टोली क्यानडा प्रस्थान गरेको शुसिल दाहालले जानकारी दिनु भएको छ ।
कोलोराडो टिमको कम्तानमा सम्योग दाहाल र उपकप्तानमा निरोज दाहाल रहेका छन् भने टिमको कोचमा उत्सव पन्त रहनु भएको छ । ।
यसैबीच कोलोराडोमा आयोजित एक समारोहका बीच खेलाडीहरुको जर्सी लोकार्पण र सहगोगी दाताहरुलाई धन्यबाद ज्ञापन गरिएको छ ।
यस टिमलाई कोशेली कोलोराडो, लालीगुरास एशोसियशन, गुन्द्रुक रेष्टुरेन्ट, रोशन बोगटी, मोरगेज कन्सल्टेन्टका सन्देश पोखरेल, एसएएस होलसेल, स्टेट फार्मका कान्ती दाहाल, एनआरएनए कोलोराडो च्याप्टर र एनआरएनए एनसीसीका महासचिव आरसी पन्त रहेका छन् ।
उक्त अवसरमा कोशेली कोलोराडोका तर्फबाट शंकर गुरुङले खेलाडीहरुलाई शुभकामना दिंदै कम्तान सम्योग दाहालको जर्सी लोकार्पण गर्नु भयो ।
त्यस्तै ग्लोबल फिल्म अवार्डका अध्यक्ष नवराज श्रेष्ठले शुभकामनासहित उपकप्तान निरोज दाहालको जर्सी लोकार्पण गर्नु भयो । त्यस्तै टीम कोच उत्सव पन्तले अन्य खेलाडीहरुलाई जर्सी प्रदान गर्नु भएको थियो ।
प्रतिक्रिया दिनुहोस्