झसापको ३१७औँ साहित्य शृङ्खलामा ओलीको ‘मन्जरी’ विमोचित

-मसान उपासक (हेटौंडा, नेपाल । झरना साहित्यिक परिवार मकवानपुर (झसाप)को ३१७ औँ साहित्य शृङ्खलाका अवसरमा हेटौँडाका स्रस्टा एसआर मञ्जरी ओलीद्वारा लिखित ‘मञ्जरी’ मुक्तक संग्रह विमोचन भएको छ ।

ब्रह्मदिक एकेडेमी हेटौँडाको सभाहलमा आयोजित झसापको नियमित श्रृङ्खलाका अवसरमा शनिबार यस मुक्तक संग्रहको विमोचन गरिएको हो ।

महाकाव्यकार मुना अर्यालको प्रमुख आतिथ्यता रहेको कार्यक्रममा झसाप मकवानपुरका संरक्षक रमेशमोहन अधिकारी तथा जनार्दन खनाल, प्रगतिशील लेखक संघ बागमती प्रदेशका अध्यक्ष शान्ति प्रियवन्दना, राष्ट्रिय जनसांस्कृतिक महासंघ मकवानपुरका अध्यक्ष राजुराम राउत, साहित्य संगम मकवानपुरका अध्यक्ष डीबी बर्तौला, गजल मञ्च मकवानपुरका अध्यक्ष सन्जित श्रेष्ठ, मुक्तक मञ्च मकवानपुरका अध्यक्ष सागर तिमल्सिना, व्यङ्गयकार राजकुमार लामिछाने, साहित्य सङ्गम मकवानपुरका उपाध्यक्ष सानु खनाल तथा श्रष्टाहरू देवराज तिवारी, मिथिला अधिकारी, चिरञ्जीवी लामिछाने, गायत्री रुपाखेती, मसान उपासक, कृष्ण घतानी, देवराज लामिछाने, नीलहरी ढुङ्गेल, भोलाप्रसाद शिवाकोटी , सुवास सजल, अमृता लामिछाने लगायतको विशेष उपस्थिति रहेको थियो।

कार्यक्रममा कृतिकारको परिचय मुक्तककार मिथिला अधिकारी र विमोचित कृतिमाथि समीक्षात्मक टिप्पणी झसाप मकवानपुरका सल्लाहकार दीपक गौतमले राख्नुभएको थियो ।

विमोचन कार्यक्रम झरना साहित्यिक परिवार मकवानपुरका अध्यक्ष विश्वनाथ सञ्जेलको अध्यक्षतामा भएको थियो । संस्थाका सचिव मसान उपासकले कार्यक्रमलाई सहजीकरण गर्नुभएको थियोे ।