७ जेष्ठ २०८२, बुधबार

राजस्थान रोयल्सद्वारा चेन्नई सुपर किङ्स ६ विकेटले पराजित

कोलोराडोखबर संवाददाता , May 21st, 2025

नेपाल । आइपिएलमा राजस्थान रोयल्सले चेन्नई सुपर किङ्सलाई ६ विकेटले हराएको छ।

जितको लागि १ सय ८८ रनको चुनौती राजस्थानले १७ दशमवल १ ओभरमा ४ विकेटको क्षतिमा पूरा गर्यो ।

ओपनर यशस्वी जैसवाल १९ बलमा ५ चौका र २ छक्का सहित सम्मान ३६ रनमा आउट भए। दोस्रो विकेटको लागि वैभव सूर्यवंशी र कप्तान सञ्जु सामसनले ९८ रनको साझेदारी गरे ।

सञ्जुले ४१ रन जोडे । वैभवले अर्धशतक बनाए । उनले ३३ बल खेल्दै ४ चौका सहित सर्वाधिक ५७ रनको योगदान दिए ।

यसपछि धुर्व जुरेलले अविजित अविजित ३१ र सिम्रोन हेटमेर अविजित १२ रनमा रहँदै टोलीलाई ६ विकेटको जित दिलाए। बलिङमा चेन्नईका रविचन्द्रन आश्विनले २ विकेट लिए ।

त्यसअघि अरुण जैटली स्टेडियममा भएको खेलमा टस हारेरचेन्नईले पहिला ब्याटिङ गर्दै २० ओभरमा ७ विकेट गुमाउँदैै १ सय ८७ रन बनाएको थियो।

चेन्नईका डेभोन कोनवे १० रनमा र उर्भिल पटेल खाता नखोली आउट भए । आयुष महात्रे र रविचन्द्रन आश्विनले तेस्रो विकेटको लागि ५६ रनको साझेदारी गरे ।

२० बल खेल्दै ८ चौका र १ छक्का प्रहार गर्दै आयुषले ४३ रनको पारी खेले। यसपछि डिवाल्ड ब्रेभिसले २५ बलमा ४२ रन जोडे । उनले २ चौका र ३ छक्का प्रहार गरे ।

यस्तै शिवम दुबेले ३९ र महेन्द्र सिंह धोनीले १६ रन बनाए। बलिङमा आकाश मधवाल र युद्धवीर सिंहले समान ३ विकेट लिए ।

लिग चरणबाट बाहिरिसकेका यी टोली राजस्थानदे ८ अंक बनाएको छ । चेन्नईसँग ६ अंक रहेको छ । चेन्नई लिगको पुछारमा र राजस्थान नवौं स्थानमा छ ।

प्रतिक्रिया दिनुहोस्