कोलोराडोखबर संवाददाता
नेपाल । भारत–पाकिस्तानबीच तनाव चर्किरहँदा नेपालले आफ्नो धारणा सार्वजनिक गरेको छ । परराष्ट्र मन्त्रालयले विज्ञप्ति जारी गर्दै नेपाल सबै प्रकारका आतंकवादविरुद्ध उभिने जनाएको हो ।
मन्त्रालयले गत २२ अप्रिलमा जम्मू–कश्मीरको पहलगाममा भएको आतंकवादी आक्रमणपछि बढेको दुई देशबीचको तनावले नेपाल सरकार चिन्तित रहेको जनाएको छ । पहलगाममा घटनामा एक नेपाली नागरिकसहित २७ जनाको मृत्यु भएको थियो ।
विज्ञप्तिमा उक्त दुःखद घटनामा नेपाल र भारत एकठाउँमा उभिएको जनाउँदै आततायी आतंकवादी आक्रमणको तत्कालै आलोचना गरेको पनि जनाइएको छ ।
प्रतिक्रिया दिनुहोस्