कोलोराडोखबर संवाददाता
नेपाल । दीपक रौनियार निर्देशित फिल्म ‘राजागंज’ शुक्रबारदेखि प्रदर्शन हुँदैछ ।
उक्त चलचित्रलाई केन्द्रीय चलचित्र जाँच समिति (सेन्सर बोर्ड) ले प्रदर्शन अनुमति दिएसँगै शुक्रबारबाट प्रदर्शनमा आउन लागेको हो ।
यसअघि बोर्डले फिल्ममा प्रधानमन्त्री केपी शर्मा ओलीले २०७२ सालमा गरेको भाषणको भिडियो समावेश र हिन्दी भाषा प्रयोग गरिएकै आधारमा प्रदर्शन अनुमति दिएको थिएन ।
बोर्डले राखेका सबै सर्तहरू मान्न तयार भएपछि प्रदर्शन अनुमति दिएको निर्देशक दीपक रौनियारले बताए ।
फिल्ममा अब प्रधानमन्त्रीले गरेको भाषणको उक्त अंश हटाइने तथा हिन्दी भाषामा म्युट गरिने उनले जानकारी दिए ।
फिल्मलाई सेन्सर बोर्डले अनुमति नदिँदा फिल्मकर्मीहरूले आपत्ति जनाएका थिए । सामाजिक सञ्जालमा सेन्सर बोर्डको निर्णयविरुद्ध उनीहरूले असन्तुष्टि पोखेका थिए ।
प्रतिक्रिया दिनुहोस्